კარლო ანჩელოტი: “რეალი რონალდუს გარეშე ვერ წარმომიდგენია”

ინგილისური პრესა უკვე საკმაო ხანია რონალდუს “მანჩსტერ იუნაიტედში” დაბრუნებაზე საუბროს. რამდენიმე დღის წინ ბრიტანულ გამოცემებში ტრანსფერის სავარაუდო ფასზეც კი დაიწერა.

პარასკევს საღამოს გამართულ პრესკონფერენციაზე აღნიშნულ საკითხს “რეალის” მთავარი მწვრთნელი კარლო ანჩელოტი გამოეხმაურა და რონალდუზე საკმაოდ ემოციურად ისაუბრა.

“რეალი რონალდუს გარეშე უბრალოდ ვერ წარმომიდგენია. პრესაში რაც იწერება უაზრობაა. ის მადრიდში ყოფნით ბედნიერია და რაც მთავარია რონალდუს გულშემატკივრები ძალიან აფასებენ.

ამჟამად რონალდუ მსოფლიოს საუკეთესო მოთამაშია. მისი შეჩერება ძალიან რთულია და გუნდისთვის მოედანზე მისი ყოფნა მნიშვნელოვან როლს თამაშობს. რონალდუ ნამდვილი ლიდერია.

ჩვენთვის მნიშვნელოვანია, რომ კრიშტიანუ ფიზიკურად და ფსიქოლოგიურად ყოველთვის მზადყოფნაში იყოს. რონალდუ ის ფეხბურთელია, რომელსაც ტიტულები მოაქვს.”