რონალდუს მორიგი პირადი რეკორდი

მადრიდის “რეალის” ლიდერმა კრიშტიანუ რონალდუმ, რომელმაც ესპანეთის პრიმერადივიზიონის 30-ე ტურში “რაიო ვალეკანოს” წინააღმდეგ გამართულ მატჩში გოლი გაიტანა, მორიგი პირადი რეკორდი დაამყარა. პორტუგალიელი ფეხბურთელისთვის ეს “სამეფო კლუბის” რიგებში გატანილი მე-300 გოლი გახლდათ.

კრიშტიანუ რონალდუ “რეალის” ღირსებას 2009 წლიდან იცავს. ამ დროის განმავლობაში მან გუნდთან ერთად ესპანეთის ჩემპიონატი (2012), ქვეყნის თასი (2011, 2014), ესპანეთის სუპერთასი (2012), ჩემპიონთა ლიგა (2014), უეფას სუპერთასი (2014) და საკლუბო მსოფლიოს ჩემპიონატი (2014) მოიგო.

რონალდუ “რეალში” ყოფნის პერიოდში ორჯერ გახდა “ოქროს ბურთის” გამარჯვებული — 2013 და 2014 წლებში.