“სევილიამ” კონოპლიანკა უცნაური მიზეზის გამო დააჯარიმა

“სევილიამ” უკრაინელი ნახევარმცველი ევგენი კონოპლიანკა კონტრაქტით გათვალისწინებული პუნქტის შეუსრულებლობის გამო დააჯარიმა. კერძოდ, ფეხბურთელი გარკვეულ ვადებში ესპანურ ენას უნდა დაუფლებოდა. ამ ინფორმაციას ტელეარხ “ფუტბოლ 1/2”-ის კომენტატორი კირილ კრუტოროგი ავრცელებს.

“ცოტა ხნის წინათ ესპანეთში გახლდით და ასეთი რამ გავიგე: “სევილიას” ჩვენი ევგენი იმის გამო დაუჯარიმებია, რომ კონტრაქტით გათვალისწინებულ პერიოდში ესპანური ენის შესწავლა ვერ მოუსწრია.

გულშემატკივრები მიიჩნევენ, რომ ესპანური და ინგლისური ენების არცოდნა არის მიზეზი, რის გამოც კონოპლიანკა სასტარტო შემადგენლობაში არარეგულარულად ხვდება.

გუნდის მთავარი მწვრთნელი უნაი ემერი ესპანურ და ბასკურ ენებზე საუბრობს, ევგენი კი რუსულ და უკრაინულ ენებს ფლობს. ასე რომ, ფრეა – 2:2″, – აღნიშნავს კრუტოროგი.

ესპანეთის პრიმერადივიზიონის მიმდინარე გათამაშებაში ევგენი კონოპლიანკამ 29 მატჩი ჩაატარა, ოთხი გოლი გაიტანა და ექვსი საგოლე გადაცემა გააკეთა. უკრაინელი ნახევარმცველი ჩემპიონატის ბოლო ათ შეხვედრაში “სევილიას” ძირითად განაცხადში მხოლოდ ოთხჯერ მოხვდა.