ევრო-2016-ის საუკეთესო გოლი დასახელდა

გულშემატკივართა გამოკითხვის შედეგად, 2016 წლის ევროპის ჩემპიონატის საუკეთესო გოლად უნგრეთის ნაკრების ნახევარმცველ ზოლტან გერას მიერ პორტუგალიის კარში გატანილი ბურთი დასახელდა (3:3).

აღნიშნული შეხვედრის მე-19 წუთზე 37 წლის ფეხბურთელმა საჯარიმო მოედნის გარედან ყუმბარისებური დარტყმით ანგარიში გახსნა.

ზოლტან გერას გოლმა ხმათა 32 პროცენტი მოაგროვა.

მანამდე ჯგუფური ეტაპის საუკეთესო გოლადაც ვეტერანი უნგრელი ნახევარმცველის მიერ გატანილი ბურთი დასახელდა.

მომდევნო პოზიციები ასე გადანაწილდა:

2. კრიშტიანუ რონალდუ (პორტუგალია – უელსი) 24%
3. ჯერდან შაქირი (შვეიცარია – პოლონეთი) 23%
4. ედერი (პორტუგალია – საფრანგეთი) 16%
5. ჰელ რობსონ-კანუ (უელსი – ბელგია) 5%