ზიდანი: “თუ ჩემპიონატს “ბარსელონა” მოიგებს, საპატიო დერეფანს არ მოვაწყობთ”

მადრიდის “რეალის” მთავარმა მწვრთნელმა ზინედინ ზიდანმა განაცხადა, რომ ესპანეთის პრიმერადივიზიონში “ბარსელონას” გაჩემპიონების შემთხვევაში, “სამეფო კლუბი” კატალონიელებს საპატიო დერეფანს არ მოუწყობს.

“თუ ჩემპიონატს “ბარსელონა” მოიგებს, ჩვენ საპატიო დერეფანს არ მოვაწყობთ. ეს ჩემი გადაწყვეტილებაა. სეზონის დასრულებამდე ჯერ კიდევ ბევრი მატჩია დარჩენილი, მაგრამ თუ ეს ტრადიცია არსებობდა, ის, პირველ რიგში, “ბარსელონამ” დაარღვია”, – ციტირებს ზიდანის სიტყვებს “ასი”.

შეგახსენებთ, რომ მანამდე “ბარსელონამ” უთხრა უარი საპატიო დერეფნის მოწყობაზე საკლუბო მსოფლიოს ჩემპიონატის გამარჯვებულ “რეალს”.

ესპანეთის პრიმერადივიზიონის 30-ე ტურის თავზე გათამაშებას “ბარსელონა” ლიდერობს, რომელიც უახლოეს მადევარ “ატლეტიკოს” ცხრა ქულით უსწრებს.