პიკე: “მესის ტრავმამ ჩვენს თამაშზე უარყოფითი ზეგავლენა არ უნდა მოახდინოს”

“ბარსელონას” მცველმა ჟერარ პიკემ აღნიშნა, რომ ლიონელ მესის ტრავმამ გუნდზე უარყოფითად არ უნდა იმოქმედოს.

“რა თქმა უნდა, “ბარსელონა” ფსიქოლოგიურად უფრო ძლიერია მაშინ, როდესაც მოედანზე მესია, თუმცა არ უნდა დავუშვათ, რომ მისმა ტრავმამ ჩვენს თამაშზე უარყოფითი ზეგავლენა მოახდინოს. ჩვენ კარგი გუნდი გვყავს და მის არყოფნაზე არ უნდა ვინერვიულოთ. შემცვლელები გვყავს”, – ციტირებს პიკეს სიტყვებს Goal-ი.

შეგახსენებთ, რომ ესპანეთის პრიმერადივიზიონის მეცხრე ტურში “სევილიას” წინააღმდეგ გამართული მატჩის მიმდინარეობისას ლეო მესიმ ხელი მოიტეხა, რის გამოც სამი კვირის განმავლობაში მოუწევს უქმობა. ამრიგად, არგენტინელი ფეხბურთელი 28 ოქტომბერს გასამართ “ელ კლასიკოსაც” გამოტოვებს.