დევიდ ბექჰემი საკუთარ კლუბში ლუის საურესს ეპატიჟება

“ბარსელონას” თავდამსხმელმა ლუის სუარესმა კარიერა შესაძლოა, ამერიკაში გააგრძელოს. ცნობილი ხდება, რომ ურუგვაელი ფეხბურთელის დამატება “ინტერ მაიამის” სურს, რომლის დამფუძნებელი და თანამფლობელი ინგლისის ნაკრების ყოფილი წევრი დევიდ ბექჰემი გახლავთ.

ინგლისელს საკუთარ კლუბში ცნობილი ფეხბურთელების მიწვევა სურს და სიაში პირველი სწორედ სუარესია. Catalunya Radio-ს ინფორმაციით, ბექჰემი უკვე დაუკავშირდა 32 წლის ურუგვაელ თავდამსხმელს და მას ფინანსური თვალსაზრისით საკმაოდ ხელსაყრელი ოთხწლიანი კონტრაქტი შესთავაზა.

თუ ლუის სუარესი ამერიკაში გადაბარგებას დათანხმდება, ტრანსფერი, სავარაუდოდ, 2020 წლამდე მაინც არ განხორციელდება, ვინაიდან “ინტერ მაიამი” MLS-ში ასპარეზობას სწორედ ამ პერიოდიდან დაიწყებს.