არიენ რობენმა კარიერა დაასრულა

ჰოლანდიელმა ნახევარმცველმა არიენ რობენმა 35 წლის ასაკში პროფესიული კარიერა დაასრულა. მან გასული სეზონის ბოლოს მიუნხენის “ბაიერნი” დატოვა, რის შემდეგაც რამდენიმე კლუბთან აწარმოებდა მოლაპარაკებას, თუმცა, საბოლოო ჯამში, ბუცების ლურსმანზე დაკიდების გადაწყვეტილება მიიღო.

“რა თქმა უნდა, ეს ჩემს ცხოვრებაში ყველაზე რთული გადაწყვეტილებაა. ჯანმრთელად ვარ და თავს მშვენივრად ვგრძნობ, მაგრამ, როგორც ნებისმიერ ადამიანს, მეც მინდა, რომ ჯანმრთელობას გავუფრთხილდე”, – აღნიშნა რობენმა.

არიენ რობენს კარიერის განმავლობაში “გრონინგენში”, “პეესვე ეინდჰოვენში”, ლონდონის “ჩელსიში”, მადრიდის “რეალსა” და მიუნხენის “ბაიერნში” უთამაშია. გარდა ამისა, მას ჰოლანდიის ეროვნულ ნაკრებში 96 მატჩი აქვს ჩატარებული. არიენს რობენმა უმაღლეს დონეზე 602 შეხვედრა ჩაატარა, 210 გოლი გაიტანა და 162 შედეგიანი გადაცემა მიითვალა. მას 29 ტიტული აქვს მოგებული.