არიენ რობენმა მოთამაშის კარიერა განაახლა

ნიდერლანდების ნაკრებისა და მიუნხენის “ბაიერნის” ყოფილმა ფეხბურთელმა არიენ რობენმა პროფესიული კარიერა განაახლა.

36 წლის გარემარბმა კონტრაქტი “გრონინგენთან” გააფორმა. შეთანხმების დეტალები ჯერჯერობით არ საჯაროვდება.

ხვალ, 28 ივნისს, არიენ რობენი სპეციალურ პრესკონფერენციას გამართავს და განმარტავს, რატომ გადაწყვიტა კარიერის განახლება და მშობლიურ კლუბში დაბრუნება.

შეგახსენებთ, რომ ნიდერლანდელ ფეხბურთელს კარიერის განმავლობაში “გრონინგენის”, “პეესვე ეინდჰოვენის”, ლონდონის “ჩელსის”, მადრიდის “რეალისა” და მიუნხენის “ბაიერნის” რიგებში უთამაშია. მან ბუცები ლურსმანზე გასული წლის ზაფხულში დაკიდა.