ხამესი “რეალში” აღარ ითამაშებს

“ასის” ინფორმაციით, მადრიდის “რეალის” მთავარ მწვრთნელ ზინედინ ზიდანს ხამეს როდრიგესი აღარ სჭირდება.

წყაროს თანახმად, 5 აგვისტოს კოლუმბიელმა ფეხბურთელმა გუნდის თავკაცისგან შვებულების აღება ითხოვა, რის შემდეგაც ზიდანმა საბოლოოდ გადაწყვიტა, რომ ხამესი “რეალში” აღარ ითამაშებს.

მხარეებს შორის გაფორმებულ შრომით ხელშეკრულებას ვადა 2021 წლის ზაფხულში გასდის. ფეხბურთელის აგენტი ახალი კლუბის ძიებაშია.

შეგახსენებთ, რომ “რეალმა” ხამეს როდრიგესი 2014 წლის მსოფლიოს ჩემპიონატის შემდეგ 80 მილიონ ევროდ შეიძინა.

გასულ სეზონში ხამესმა 14 ჩატარებულ მატჩი ერთი გოლი გაიტანა და ორი შედეგიანი გადაცემა მიითვალა.