ლეო მესი: “დღეს უთანასწორობა დიდი პრობლემაა. ყველას უნდა ჰქონდეს წვდომა ძირითად საჭიროებებზე”

არგენტინის ნაკრებისა და “ბარსელონას” ლიდერი ლიონელ მესი ჟურნალ La Garganta Poderosa-სთვის მიცემულ ინტერვიუში სხვადასხვა სოციალურ თემას შეეხო.

“დღეს მე ნაკლებად ვარ დაინტერესებული გოლების გატანით, უფრო დიდ ყურადღებას გუნდურად თამაშს ვუთმობ.

როდესაც რეალობაზე ცოდნა არ გაგაჩნია, შენს აზრს ფასი არ აქვს, ასეთ დროს შენი სიტყვები მხოლოდ ხმაურია. განათლება ყველაფრის საწყისია.

უთანასწორობა ერთ-ერთი ყველაზე დიდი პრობლემაა დღევანდელ მსოფლიოში და მის მაქსიმალურად სწრაფად აღმოსაფხვრელად უნდა ვისწრაფოთ. პანდემიის პირობებში მნიშვნელოვანია, რომ ყველას ჰქონდეს წვდომა ძირითად საჭიროებებზე – წყალზე, ელექტროენერგიასა და კვების პროდუქტებზე”, – აღნიშნა მესიმ.