ანჩელოტი: „ჩვენთვის სატრანსფერო ფანჯარა დახურულია“

მადრიდის „რეალის“ მთავარმა მწვრთნელმა კარლო ანჩელოტიმ განაცხადა, რომ ზამთრის სატრანსფერო პერიოდში გუნდი ახალ ფეხბურთელებს არ შეიძენს. იტალიელმა სპეციალისტმა ისიც აღნიშნა, რომ ჩაბი ალონსოსთან კონტრაქტის გახანგრძლივებაზე მუშაობა მიმდინარეობს.

„ვფიქრობ, საუკეთესო გადაწყვეტილებას მივიღებთ და ჩაბი ალონსოსთან შეთანხმებას მივაღწევთ. ამ საკითხთან დაკავშირებით ახალს ვერაფერს გეტყვით.

გუნდიდან არავინ არ წავა და არც ახალი ფეხბურთელების ყიდვას არ ვაპირებთ. ჩვენთვის სატრანსფერო ფანჯარა დახურულია“, – ციტირებს ანჩელოტის სიტყვებს „სქაი სპორტსი“.

გარდა ამისა, ვრცელდება ინფორმაცია, რომ „რეალი“ ალონსოს სქემით „2+1“ კონტრაქტს, წელიწადში კი 6 მილიონ ევროს შესთავაზებს. ცნობისთვის, ბასკ ნახევარმცველს ამჟამად ჯამაგირის სახით 4 მილიონი ევრო აქვს.

ბექა დოგრაშვილი