ანჩელოტი: “რონალდუ ოქროს ბურთს იმსახურებს”

მადრიდის “რეალის” მთავარი მწვრთნელი, კარლო ანჩელოტი აცხადებს, რომ გუნდის პორტუგალიელი მოთამაშე, კრიშტიანო რონალდუ მსოფლიოში საუკეთესოა, რის გამოც ოქროს ბურთს იმსახურებს.

შეგახსენებთ, რომ რონალდუ მიმდინარე სეზონში ბრწყინვალე ფორმაში იმყოფება. მან პორტუგალიის ნაკრების მსოფლიოს 2014 წლის ჩემპიონატზე მოხვედრაში უდიდესი წვლილი დაიდო.

“რონალდუ რომ შესანიშნავი ფეხბურთელია, ეს ყველამ იცის. მან შვედეთის ეროვნული ნაკრების წინააღმდეგ დიდებულად ითამაშა. რთულია იმის თქმა, თუ ვინ მიიღებს ოქროს ბურთს. თუმცა, ჩემი აზრით, კრიშტიანო საუკეთესოა და ის მას იმსახურებს”, – ამბობს ანჩელოტი.