ანჩელოტიმ სამწვრთნელო კარიერის დასრულება დააანონსა

მადრიდის “რეალის” თავკაცმა კარლო ანჩელოტიმ განაცხადა, რომ “სამეფო კლუბი” მის სამწვრთნელო კარიერასი უკანასკნელი იქნება.

“24 ტიტული მოვიგე? საქმე იმაშია, რომ ეს რიცხვები ჩემთვის არაფერს ნიშნავს. კარიერის დასრულების შემდეგ შედეგებს შევაფასებ, ასე უფრო აზრიანი იქნება.

ახლა ჩემს ყოველდღიურ სამუშაოზე ვარ ორიენტირებული. რამდენიმე წლის წინ პრიორიტეტად ტაქტიკური საკითხები მქონდა, მაგრამ ახლა ყურადღებას უფრო ინტერპერსონალურ ურთიერთობებს, ახალი ადამიანებისა და თაობის გაცნობას ვუთმობ.

“რეალი” ახლა საფეხბურთო მწვერვალზეა. აქედან წასვლის შემდეგ კარიერას დავასრულებ. საკუთარი გზისა და თავგადასავლის დასამთავრებლად უკეთეს ადგილს ვერ ვნახავ”, – თქვა ანჩელოტიმ Il Messagero-სთვის მიცემულ ინტერვიუში.

იტალიელ სპეციალისტს “რეალთან” კონტრაქტი ორ წელიწადში უმთავრდება. “სამეფო კლუბი” ესპანეთის პრიმერადივიზიონის 2022-2023 წლების სეზონის პირველ ტურში “ალმერიას” ესტუმრება. შეხვედრა ხვალ ჩატარდება.