არიენ რობენს კარიერის განახლება სურს

ნიდერლანდების ნაკრებისა და მიუნხენის “ბაიერნის” ყოფილ ფეხბურთელ არიენ რობენს პროფესიული კარიერის განახლება სურს. ამის შესახებ ნიდერლანდელმა მოთამაშემ თავადვე განაცხადა.

“თავიდან ფეხბურთი საერთოდ არ მენატრებოდა, მაგრამ შემდეგ დადგა დროს, როდესაც საკუთარ თავს ასეთ კითხევბს ვუსვამდი: “იქნებ კიდევ მეთამაშა? იქნებ ნიჭი სრულყოფილად ვერ გამოვავლინე?” დიდი სურვილი რომც მქონდეს, ჩემი დაბრუნება ნაკლებად სავარაუდოა. ყოველ შემთხვევაში, ეს არ მოხდება მანამ, სანამ ფეხბურთი თავის კალაპოტს არ დაუბრუნდება. ამ ვირუსის გამო ყველაფერი თავდაყირა დგას.

საბოლოო გადაწყვეტილება არ მიმიღია, მაგრამ დაბრუნება მართლაც მინდა. თუ კარიერის განახლების გადაწყვეტილებას მაინც მივიღებ, ამის შესახებ ზაფხულში განვაცხადებ, როდესაც მომავალი სეზონის განრიგი უკვე ცნობილი იქნება”, – აღნიშნა რობენმა.

შეგახსენებთ, რომ ნიდერლანდელმა ფეხბურთელმა ბუცები ლურსმანზე გასული წლის ზაფხულში დაკიდა. ის ახლა 36 წლისაა.