“ბარსელონამ” ლევანდოვსკი წარადგინა

33 წლის პოლონელი თავდამსხმელი რობერტ ლევანდოვსკი “ბარსელონას” ფეხბურთელად ოფიციალურად წარადგინეს.

ფეხბურთელი “ბლაუგრანას” ღირსებას 9-ნომრიანი მაისურით დაიცავს. ამ ნომერს მანამდე მემფის დეპაი ატარებდა, რომელსაც გუნდი ჯერ არ დაუტოვებია. პოლონელი ფორვარდის პრეზენტაციას 57 ათასზე მეტი გულშემატკივარი დაესწრო.

შეგახსენებთ, რომ რობერტ ლევანდოვსკი მიუნხენის “ბაიერნიდან” “ბარსელონაში” მიმდინარე სატრანსფერო პერიოდში გადავიდა. მხარეებს შორის ოთხწლიანი კონტრაქტი გაფორმდა.

ესპანეთის ლა ლიგის 2022-2023 წლების გათამაშება სტარტს 12 აგვისტოს აიღებს. “ბარსელონა” პირველ ტურში “რაიო ვალეკანოს” უმასპინძლებს. შეხვედრა 13 აგვისტოს შედგება.