ბენიტესი: “ქომაგები მე მისტვენდნენ? მე მათ პატივს ვცემ”

ესპანეთის პრიმერადივიზიონის მე-14 ტურში მადრიდის “რეალმა” შინ “სეტაფე” ანგარიშით 4:1 დაამარცხა.

მატჩის შემდეგ “სამეფო კლუბის” მთავარმა მწვრთნელმა რაფაელ ბენიტესმა გუნდის თამაშით კმაყოფილება გამოთქვა.

“ჩვენ ავიღეთ სამი ქულა და დავამტკიცეთ, რომ კარიმ ბენზემა, გარეტ ბეილი და კრიშტიანუ რონალდუ დიდ ძალას წარმოადგენენ, თუ ისინი შეთანხმებულად იმოქმედებენ. ბენზემამ დიდი სამუშაო გასწია. მის მიერ გატანილი ორი გოლი ამის დამადასტურებელია.

შესანიშნავი პირველი ტაიმი ჩავატარეთ, მეორე ნახევარში კი თამაშის მიმდინარეობას ვაკონტროლებდით, თუმც აქტივობა შევამცირეთ, რადგან საქმის დიდი ნაწილი უკვე გაკეთებული იყო. პირველ ტაიმში გუნდმა მთელი პოტენციალი აჩვენა. გვესმოდა, რომ ადვილი შეხვედრა არ იქნებოდა, მაგრამ გუნდმა იცოდა, რა უნდა გაეკეთებინა.

ქომაგები მისტვენდნენ? მე მათ ვაფასებ. ჩვენ მათთვის ყველაფერს ვაკეთებთ. გუნდი საქმეზე არის კონცენტრირებული”, – ბენიტესის კომენტარი “ასმა” გამოაქვეყნა.