ბენზემამ რობერტო კარლოსის რეკორდი მოხსნა

ესპანეთის პრიმერადივიზიონის 26-ე ტურში მადრიდის “ატლეტიკოსა” და “რეალს” შორის გამართული მატჩი (1:1) კარიმ ბენზემასთვის სარეკორდოა. კერძოდ, ფრანგისთვის ეს ლა ლიგაში “სამეფო კლუბის” ფორმით ჩატარებული 371-ე შეხვედრაა.

პრიმერადივიზიონში გამართული მატჩების რაოდენობით ბენზემა “რეალის” რეკორდსმენი ლეგიონერი გახდა. ფრანგმა თავდამსხმელმა რობერტო კარლოსის რეკორდი დაამხო, რომელსაც მადრიდული გუნდის ფორმით ესპანეთის ელიტურ დივიზიონში 370 შეხვედრა აქვს ჩატარებული.

შეგახსენებთ, რომ კარიმ ბენზემა “რეალში” “ლიონიდან” 2009 წელს გადავიდა. მადრიდელებმა მის სანაცვლოდ 35 მილიონი ევრო გაიღეს. საერთო ჯამში, ბენზემას “რეალის” რიგებში ჩატარებულ 542 მატჩში 267 გოლი და 140 შედეგიანი გადაცემა აქვს მითვლილი.