ბუფონს “ბარსელონაში” გადასვლა შეეძლო

ტურინის “იუვენტუსის” მეკარის, ჯანლუიჯი ბუფონის აგენტმა სილვიო მარტინამ განაცხადა, რომ თავის დროზე იტალიელ კიპერს კარიერის გაგრძელების სხვადასხვა ვარიანტები ჰქონდა.

“მახსოვს, დინო ძოფი ბუფონის თამაშით აღფრთოვანებული იყო და “პარმადან” მისი რომის “ლაციოში” გადაყვანა სურდა. გარდა ამისა, ბუფონი დიდი ხნის განმავლობაში ფიქრობდა “რომასა” და “ბარსელონას” შემოთავაზებებზე. საბოლოო ჯამში, ჯიჯისთვის ყველაზე მიმზიდველი და “პარმასთვის” ყველაზე მომგებიანი წინადადება “იუვენტუსს” აღმოაჩნდა”, – ციტირებს მარტინას სიტყვებს Football Italia.

შეგახსენებთ, რომ ჯანლუიჯი ბუფონი “პარმადან” ტურინის “იუვენტუსში” 2001 წელს გადავიდა. “ბებერმა სინიორამ” მის სანაცვლოდ 53 მილიონი ევრო გაიღო. იტალიური ფეხბურთის ისტორიაში ბუფონი ამ დრომდე რჩება ყველაზე ძვირადღირებულ მეკარედ.