CIHEFE: მესი პრიმერას ყველა დროის საუკეთესო მოთამაშეა, რონალდუ ათეულშიც არაა

ესპანური ფეხბურთის ისტორიისა და სტატისტიკის კვლევითმა ცენტრმა (CIHEFE) ჩემპიონატის 86-წლიანი ისტორიის საუკეთესო ფეხბურთელები დაასახელა.

პირველი ადგილი “ბარსელონას” მოქმედმა თავდამსხმელმა ლიონელ მესიმ დაიკავა. არგენტინელს რეიტინში 545 ქულა აქვს. გასაკვირია, მაგრამ კრიშტიანუ რონალდუ ზედა ათეულშიც კი ვერ მოხვდა, პორტუგალიელს სიაში მე-17 პოზიცია უკავია.

რეიტინგის მეორე ადგილზე მადრიდის “რეალის” ყოფილი კაპიტანი რაული გაამწესეს, ხოლო მესამე პოზიციაზე სესარ როდრიგესია, რომელიც “ბარსელონას” ღირსებას 1941-1960 წლებში იცავდა.

სტატისტიკოსებმა რეიტინგის შედგენისას სხვადასხვა მონაცემები გაითვალისწინეს, მათ შორის თითოეულ სეზონში ნათამაშები წუთების ხანგრძლივობა, თამაშიდან გატანილი გოლები, პენალტები, ავტოგოლები, დისციპლინა და ა.შ.