დელ ბოსკე ევროპის ჩემპიონატის შემდეგ სამწვრთნელო კარიერას დაასრულებს

ესპანეთის ნაკრების თავკაცმა ვისენტე დელ ბოსკემ განაცხადა, რომ 2016 წლის ევროპის ჩემპიონატის შემდეგ სამწვრთნელო კარიერას დაასრულებს.

“თუ ყველაფერი ნორმალურად იქნება, ევრო-2016-ის შემდეგ ესპანეთის ნაკრებს დავტოვებ. ამის მიზეზი ჩემი ჯანმრთელობაა. აქ უკვე რვა წელია ვმუშაობ და აღარ ვაპირებ ამ პოსტზე ყოფნას. სხვებსაც აქვთ უფლება, ნაკრების თავკაცის პოსტზე იმუშაონ. კარიერის დასრულებასთან ახლოს ვარ, თუმცა მომავლისკენ აღარ ვიყურები. როდესაც ნაკრებს დავტოვებ, ჩვეულებრივ ცხოვრებას გავაგრძელებ”, – ციტირებს დელ ბოსკეს სიტყვებს “მარკა”.

შეგახსენებთ, რომ ვისენტე დელ ბოსკე ესპანეთის ნაკრებს 2008 წლიდან თავკაცობს. მან გუნდთან ერთად 2010 წლის მსოფლიოს და 2012 წლის ევროპის ჩემპიონატები მოიგო.