დელ ბოსკე: “ხმა ორ ესპანელს მივეცი”

ესპანეთის ნაკრების მთავარმა მწვრთნელმა, ვისენტე დელ ბოსკემ ჟურნალისტებთან ინტერვიუ ჩაწერა, სადაც განაცხადა, რომ მადრიდის “რეალის” და კატალონიის “ბარსელონას” ომში ჩარევა არ სურს. გარდა ამისა, მან “ოქროს ბურთის” საკითხზეც ისაუბრა, სადაც დასძინა, რომ ხმა ორ ესპანელს მისცა.

“ხმა ორ ესპანელს მივეცი. მათ ინდივიდუალური ჯილდო არასდროს მიუღიათ და სათანადო დაფასება სჭირდებათ.”

“მადრიდის “რეალის” და კატალონიის “ბარსელონას” ომში არ ვერთვები, რაც ჩემზე ზეგავლენას არ ახდენს. მაქსიმალურად ვეცდები, მსოფლიო ჩემპიონატზე ღირსეულად ვიასპარეზოდთ და კიდევ მოვიგოთ იგი.”

“იმედი მაქვს, მორიგ წარმატებას მივაღწევთ და ეს წარმატება, მსოფლიო ჩემპიონატის მოგება იქნება.” – განაცხადა ესპანელმა მწვრთნელმა.