“დეპორტივოს” მთავარი მწვრთნელის პოსტზე კლარენს ზეედორფი დაინიშნა

ლა კორუნიის “დეპორტივოს” მთავარი მწვრთნელის პოსტზე კლარენს ზეედორფი დაინიშნა. მხარეებს შორის გაფორმებულ კონტრაქტს ვადა მიმდინარე სეზონის ბოლომდე ექნება. ჰოლანდიელის თანაშემწედ ვალერიო ფიორი იმუშავებს.

შეგახსენებთ, რომ კლარენს ზეედორფს მანამდე “მილანსა” და ჩინურ “შენჩჟენში” უმუშავია. ჰოლანდიელმა “როსონერის” თავკაცის პოსტზე ოთხი თვე დაჰყო, ხოლო ჩინეთში 2016 წლის ივლისიდან დეკემბრამდე იმუშავა.

“დეპორტივოს” კრისტობალ პარალო ხელმძღვანელობდა, რომლის თავკაცობითაც გუნდი ესპანეთის პრიმერადივიზიონის სატურნირო ცხრილში მე-18 პოზიციამდე დაქვეითდა.