გიოტცე მალე გუნდთან ერთად ვარჯიშს განაახლებს

დორტმუნდის “ბორუსიას” ნახევარმცველმა მარიო გიოტცემ განაცხადა, რომ უახლოეს პერიოდში გუნდთან ერთად ვარჯიშს განაახლებს.

“მეტაბოლური დარღვევის გამო ბოლო პერიოდში ფეხბურთის თამაში არ შემეძლო. ბოლო თვეების განმავლობაში მკურნალობის პროცესი გავიარე და კვლავ ვბრუნდები. ხვალ აღდგენითი პროგრამის მესამე ეტაპს დავიწყებ, რაც იმას ნიშნავს, რომ სამედიცინო შემოწმებას გავივლი და გუნდთან ერთად ვარჯიშს შევუდგები”, – დაწერა სოციალურ ქსელში გიოტცემ.

მარიო გიოტცემ გასულ სეზონში მხოლოდ 16 მატჩი ჩაატარა, ორი გოლი გაიტანა და ამდენივე საგოლე გადაცემა გააკეთა. მას 17 თებერვლის შემდეგ არ უთამაშია.