კოუტინიო ტრავმირებულია

ესპანეთის პრიმერადივიზიონის მეშვიდე ტურში “ბარსელონასა” და მადრიდის “რეალს” შორის გამართული მატჩის (1:3) მიმდინარეობისას კატალონიური გუნდის ნახევარმცველმა ფილიპე კოუტინიომ ტრავმა მიიღო.

მართალია, ბრაზილიელმა ფეხბურთელმა შეხვედრა სრულად ჩაამთავრა, თუმცა, როგორც გაირკვა, მან მარცხენა ბარძაყის ორთავა კუნთი დაიშავა, რის გამოც მომდევნო მატჩების გამოტოვება მოუწევს. უცნობია, როდის დაბრუნდება 28 წლის ფეხბურთელი მოედანზე.

ფილიპე კოუტინიომ ესპანეთის პრიმერადივიზიონის მიმდინარე გათამაშებაში ჩატარებულ ხუთ მატჩში ერთი გოლი გაიტანა და ორი შედეგიანი გადაცემა მიითვალა.