კრუიფი: „ბარსელონას“ პრობლემა ნეიმარია“

„ბარსელონას“ ყოფილი ფეხბურთელი და თავკაცი იოჰან კრუიფი თვლის, რომ კატალონიური კლუბი ზედმეტად დიდ ხელფასს უხდის ნეიმარს, რაც უარყოფით გავლენას ახდენს გუნდის მიკროკლიმატზე.

„ბარსელონას“ პრობლემა ნეიმარია. ის მშვენიერი მოთამაშეა, მაგრამ არ შეიძლება, ახალგაზრდა ბიჭი უფრო დიდ ხელფასს იღებდეს, ვიდრე ის მოთამაშეები, რომლებმაც გუნდთან ერთად ყველა შესაძლო ტიტული მოიგეს. 21 წლის ასაკში ღმერთივით ვერავინ ვერ თამაშობს. გარდა ამისა, „ბარსელონას“ ჰყავს ლეო მესი. შეუძლებელია, რომ კლუბისთვის ნეიმარი მესიზე მნიშვნელოვანი ფიგურა იყოს. როცა 26 წლის გახდება ეს შესაძლებელი იქნება, მაგრამ არა – 21 წლის ასაკში“, – კრუიფის სიტყვები „მუნდო დეპორტივომ“ გამოაქვეყნა.

შეგახსენებთ, რომ ნეიმარი „ბარსელონაში“ 2013/2014 წლების სტარტზე გადავიდა და მაშინვე კლუბის ყველაზე მაღალანაზღაურებად მოთამაშედ იქცა.

ბექა დოგრაშვილი