ლა ლიგის კალენდარი ცნობილია – როდის ჩატარდება “ელ კლასიკო”?

ესპანეთის პრიმერადივიზიონის 2018-2019 წლების სეზონის კალენდარი გამოქვეყნდა. მადრიდის “რეალი” და “ბარსელონა” ერთმანეთს მე-10 და 26-ე ტურებში შეხვდებიან. გათამაშების პირველი “ელ კლასიკო” 28 ოქტომბერს, “ნოუ კამპზე” ჩატარდება, ხოლო “სანტიაგო ბერნაბეუ” მეორე წრის შეხვედრას 3 მარტს მიიღებს.

რაც შეეხება პირველ ტურს, “ბარსელონა” “ალავესს” უმასპინძლებს, ხოლო “რეალი” “ხეტაფეს” დაუხვდება. ტურის ცენტრალური შეხვედრა “მესტალიაზე” გაიმართება, სადაც “ვალენსია” მადრიდის “ატლეტიკოს” დაუპირისპირდება.

“რეალსა” და “ატლეტიკოს” შორის გათამაშების პირველი მადრიდული დერბი 30 სექტემბერს, “სანტიაგო ბერნაბეუზე” გაიმართება, მეორე წრის შეხვედრას “ვანდა მეტროპოლიტანო” 10 თებერვალს უმასპინძლებს.

პირველი ტურის განრიგი