ლუის სუარესს “ბარსელონაში” დებიუტი ხვალ ექნება

“ბარსელონას” მთავარმა მწვრთნელმა ლუის ენრიკემ დაადასტურა ინფორმაცია, რომ ლუის სუარესს ხვალ კატალონიური გუნდის შემადგენლობაში დებიუტი ექნება. ურუგვაელი ფეხბურთელი გამპერის თასის ამხანაგურ ტურნირზე “ლეონთან” გასამართ მატჩში ითამაშებს.

“სუარესმა ბოლო ორ ვარჯიშზე საკმაოდ კარგი შთაბეჭდილება დამიტოვა, მაღალი დონის ფეხბურთელია. ხვალ ლუისი გარკვეული ხნით ითამაშებს. რაც შეეხება მის დისკვალიფიკაციას, საკმარისად ძლიერი გუნდი მყავს, რომ მის გარეშეც ვიბრძოლოთ”, – ციტირებს ლუის ენრიკეს სიტყვებს sport.es.

“ბარსელონასა” და “ლეონს” შორის გასამართი მატჩი ხვალ, თბილისის დრით 22:30 საათზე დაიწყება.