მესის სტილისტი: “ლეო პიროვნულად იცვლება და უფრო თამამ გადაწყვეტილებებს იღებს”

“ბარსელონას” ლიდერის, ლიონელ მესის სტილისტმა არიელ ბერმუდესმა არგენტინელი ფეხბურთელის ახალი იმიჯის შესახებ ისაუბრა. შეგახსენებთ, რომ მესიმ წვერი მოუშვა და კოპა მერიკას შემდეგ თმა ქერად შეიღება.

“მესიმ წვერის გაზრდა თავადვე გადაწყვიტა. მე იგი წვერით რამდენჯერმე ვნახე და ვუთხარი, რომ ძალიან მომწონს. წვერი მესის უფრო მკაცრ და მამაკაცურ პიროვნებად წარმოაჩენს. იგი კაცს დაემსგავსა, ბავშვს აღარ ჰგავს.

დროთა განმავლობაში მესი პიროვნულად იცვლება და უფრო თამამ გადაწყვეტილებებს იღებს. მე მას სხვადასხვა ფოტოები ვუჩვენე, რომელზეც მამაკაცებს აღნიშნული ვარცხნილობა ჰქონდათ. ლეოს მოეწონა და მას ეს იმიჯი მოვარგეთ”, – ციტირებს მესის სტილისტის სიტყვებს La Nacion-ი.