ოფიციალურად: კეისუკე ჰონდა “ნეფთჩის” ფეხბურთელია

ცნობილი იაპონელი ფეხბურთელი კეისუკე ჰონდა კარიერას აზერბაიჯანში გააგრძელებს. 34 წლის ნახევარმცველმა კონტრაქტი ბაქოს “ნეფთჩისთან” გააფორმა. მხარეებს შორის გაფორმებულ შრომით ხელშეკრულებას ვადა მიმდინარე სეზონის ბოლომდე ექნება. ჰონდა “ნეფთჩის” რიგებში ოთხნომრიანი მაისურით ითამაშებს.

შეგახსენებთ, რომ იაპონელი ფეხბურთელი 2014-დან 2017 წლამდე “მილანის” ღირსებას იცავდა.

კეისუკე ჰონდამ თებერვალში კონტრაქტი პორტუგალიურ “პორტიმონენსესთან” გააფორმა, თუმცა მიმდინარე სეზონში ფეხბურთელის გამოყენების შეუძლებლობის გამო კლუბმა მასთან ხელშეკრულება ერთი კვირის შემდეგ გაწყვიტა.