საქართველოს ფეხბურთის ფედერაციის პრეზიდენტმა ლევან კობიაშვილმა გადაცემაში “სპორტი იმედზე” ეროვნული ლიგის გუნდების სიტუაციის შესახებ ისაუბრა.

“არ ვიცი, დიდად არაფერი შეცვლილა. თუ არ ჩამოვთვლით ამ ფეხბურთელებს (კვარაცხელია, დავითაშვილი, კვირკველია), სხვა არაფერი მომხდარა. ხანდახან მესმის, ჩემი პოზიციიდან გამომდინარე, რასაც ვამბობ  მიუღებელი და  კრიტიკულია, თუმცა ეს არის რეალობა. მე ძალიან გამიხარდება თუ ვცდები და სხვანაირად მოხდება, მართლა გამიხარდება.

მოლოდინი, იქედან გამომდინარე, სხვასთან შედარებით, რა მეტი ინფორმაციაც აქვს, კონკრეტულ ქვეყანაში რა ინვესტიცია იდება, რა ფეხბურთელები ჩამოდიან, მაღალი არ არის. გვჭირდება ლეგიონერები თუ გვსურს, რომ ჩემპიონატს სხვა ხარისხი ჰქონდეს. სხვანაირად უბრალოდ შეუძლებელია. 95%-ზე მეტი გუნდები, რომლებიც წარმატებებს აღწევენ ევროპაში, მთლიანად ლეგიონერებით არიან დაკომპლექტებული. ეს არის რეალობა.

კარგია, რომ ნაკრების ფეხბურთელები აქ ჩამოდიან. მეორეც არის, რამდენად იქნება ის შესაძლებლობები, რომ სათანადო კონდიციებში იყვნენ ივნისის მატჩებამდე. თამაშზე და სავარჯიშო პროცესზე მაქვს აქცენტი გაკეთებული”, – განაცხადა კობიმ.

თბილისის “დინამოს” მთავარმა მწვრთნელმა კახა ცხადაძემ “თელავთან” დაფიქსირებული ყაიმის (1-შემდეგ კომენტარი გააკეთა.

“რთული მატჩი გამოვიდა, აბა როგორ გინდათ ახლა, თელაში მოვიდეთ და გავისეირნოთ? არცერთი შეხვედრა ეგეთი არ იქნება, მითუმეტეს, ასეთ მინდორზე. ყანაში ფეხბურთის თამაში ძალიან ძნელია, მემგონი, ორივე გუნდისთვის. იმ ყანიდან, რაც დღეს ჩვენ გვქონდა, საკმაო მომენტები შევქმენით. ძნელია ესეთ მინდორზე აზრიანი გამოსვლა. ასეთ მატჩებში სტანდარტულები ძალიან მნიშვნელოვანია. “თელავმა” ძალიან თავდადებულად ითამაშა და მინდორმა მისცა საშუალება, რომ ადვილად დაეცვათ თავი და მიაღწიეს ქულას. იმედია, ყანა გამოსწორდება და აწი უფრო ნორმალურ დონეზე ვითამაშებთ” – განაცხადა ცხადაძემ.

რთული ამტჩი გამოვა, როგორ გინდა ახლა, თელავში მოხვიდე გა ვასიენრო.

 

ბათუმის “დინამოს” ძირითად შემადგენლობაში ხვიჩა კვარაცხელია პირველად მოხვდა და  “დინამომ” 0-3 გაიმარჯვა.

ხვიჩა მოედანზე 87-ე წუთამდე იყო და რამდენიმე ლამაზი მომენტი შემოგვთაზა. ამასთანავე, მოედანი, რბილად, რომ ვთქვათ, საუკეთესო კონდიციებში ნამდვილად არ იყო.

კვარაცხელიას დამატებამდე გავრცელდა ინფორმაცია, რომ ფეხბურთელი იმ მოედნებზე, სადაც კარგი საფარი არ იქნებოდა, არ ითამაშებდა და ეს კონტრაქტშიც იყო ჩაწერილი, რაც არჩილ ბერიძემ 1 კვირის წინ უარყო.

“ეგეთი რამე გამორიცხულია და ამას ვნახავთ ყველა. ხვიჩა კვარაცხელია არის ტოპ ფეხბურთელი, თუმცა ამავდროულად “დინამოს” რიგითი წევრი. აბსოლუტურად არ აქვს მნიშვნელობა და ჩვენ ამას დავინახავთ. გეგუჩაძე ის სპეციალისტი არ არის, ვიღაცას რაღაცა…”, – განაცხადა ბერიძემ.

ხვიჩა ბათუმის სრულფასოვანი წევრია და ის ყველგან იქნება, სადაც გუნდს დასჭირდება.