პოლონური სპორტული არხი TVP Sport-ი იუწყება, რომ მიუნხენის “ბაიერნის” თავდამსხმელი რობერტ ლევანდოვსკი მომავალი სეზონიდან “ბარსელონას” ღირსებას დაიცავს. ის “ბლაუგრანასთან” სამწლიან კონტრაქტს გააფორმებს.
წყაროს თანახმად, 33 წლის ფეხბურთელმა ბავარიული კლუბის ხელმძღვანელობას აცნობა, რომ შრომით ხელშეკრულებას არ გაახანგრძლივებს.
გავრცელებული ინფორმაციით, “ბაიერნი” ლევანდოვსკის სანაცვლოდ 65 მილიონ ევროს ითხოვს, თუმცა გარიგებაში სხვა ფეხბურთელების ჩართვის შემთხვევაში, მოთხოვნილი თანხა შემცირდება.
რობერტ ლევანდოვსკიმ მიმდინარე სეზონში ყველა საკლუბო ტურნირზე ერთად 40 მატჩი ჩაატარა და 46 გოლი გაიტანა.