ბათუმის “დინამოს” თურქულ შეკრებაზე საქართველოს ნაკრების ყოფილი ნახევარმცველი ჯანო ანანიძე შეუერთდება.
თბილისის “დინამოდან” წასვლის შემდეგ ანანიძე ბათუმის “დინამოსთან” შეთანხმდა, თუმცა რატომღაც თურქეთში წამსვლელთა სიაში არ აღმოჩნდა. არჩილ ბერიძის განცხადებით, ანანიძე ჯერ თბილისში, შემდეგ თურქეთში ინდივიდუალურად ემზადებოდა და რამდენიმე დღეში უკვე საერთო ვარჯიშში ჩაერთვება.
კვიპროსიდან წამოსვლის შემდეგ ჯანო ერთხელ უკვე ვარჯიშობდა გია გეგუჩაძის ხელმძღვანელობის ქვეშ, მაგრამ მაშინ თბილისში წასვლა არჩია, სადაც მხოლოდ 1 მატჩში მიიღო მონაწილეობა და ტრავმა მიიღო.
ანანიძე ქობულეთშია დაბადებული და მისი პირველი გუნდი “შუქურა” იყო.