28 აგვისტოს, ინგლისის პრემიერ ლიგის მესამე ტურში “მანჩესტერ სიტიმ” საკუთარ მოედანზე “არსენალი” მიიღო და მეტოქე 5:0 გაანადგურა.
მანჩესტერელთა მეოთხე გოლის შემდეგ, კადრში გამოჩნდნენ “არსენალის” ფანები, რომლებიც ზეიმობდნენ.
ARSENAL FANS CELEBRATING😭😭😭😭😭pic.twitter.com/KJERTTas3h
— zak (@ZakKnowsBall) August 28, 2021
“პარი სენ-ჟერმენი” დორტმუნდის “ბორუსიადან” ერლინგ ჰოლანის გადმობირების თაობაზე მოლაპარაკებას აქტიურად აწარმოებს. პარიზელებს იმედი აქვთ, რომ მიმდინარე სატრანსფერო ფანჯრის დახურვამდე ნორვეგიელ თავდამსხმელს 200 მილიონი ევროს სანაცვლოდ დაიმატებენ.
ESPN-ის ცნობით, პარიზელები 21 წლის ნორვეგიელი ფეხბურთელის ტრანსფერისთვის საჭირო თანხის გამომუშავებას კილიან მბაპეს გაყიდვით გეგმავენ. ამ უკანასკნელის დამატებით აქტიურად არის დაინტერესებული მადრიდის “რეალი”.
“დორტმუნდსა” და ჰოლანს შორის გაფორმებულ შრომით ხელშეკრულებაში ნორვეგიელი ფეხბურთელის კონტრაქტის გამოსასყიდ თანხად 75 მილიონი ევროა მითითებული. აღნიშნული პუნქტი მომავალი წლის ზაფხულში ამოქმედდება. ეს გარემოება გერმანულ კლუბს აიძულებს, რომ ჰოლანი გაცილებით სარფიანად წელსვე გაყიდოს.
შეგახსენებთ, რომ ერლინგ ჰოლანი “დორტმუნდის” ღირსებას 2020 წლის იანვრიდან იცავს. მან გასულ სეზონში ყველა საკლუბო ტურნირზე ერთად 41 მატჩი ჩაატარა, 41 გოლი გაიტანა და 12 შედეგიანი გადაცემა მიითვალა.
სპეციალიზებული ინტერნეტპორტალი “ტრანსფერმარკტი” ჰოლანის სატრანსფერო ღირებულებას 130 მილიონ ევროდ აფასებს.
“ვალენსიას” მთავარმა მწვრთნელმა, ხოსე ბორდალასმა “ალავესთან” გამართული მატჩის შემდეგ გიორგი მამარდაშვილი შეაქო.
როგორც იცით, ლა ლიგის საწყის სამ ტურში “ვალენსიას” კარს ქართველი მეკარე იცავდა, მან კარი მშრალად ორჯერ შეინახა და მხოლოდ ერთი გოლი გაუშვა.
“ხაუმე 100 პროცენტით მზად არ იყო. გიორგი მამარდაშვილის ასეთი თამაში პირველივე მატჩებში სურპრიზია, ის საოცრად კარგია. ჩვენ კარგი მეკარეები გვყავს და თითოეული მათგანი ბევრს შრომობს იმისათვის, რომ გუნდს დაეხმაროს”, – განაცხადა ბორდალასმა.
ხვალ, ტოკიოს პარალიმპიურ თამაშებზე საქართველოს დელეგაციის ხუთი წევრი იასპარეზებს. პარაფარიკაობაში, გუნდურ შეჯიბრში მიიღებს მონაწილეობას საქართველოს ქალთა ნაკრები, პარაძიუდოში კი საქართველოს კიდევ ორი წარმომადგენელი გამოვა.
29 აგვისტო
საქართველოს ქალთა ნაკრები (პარაფარიკაობა, რაპირით ფარიკაობა)
ხვალ ფარიკაობაში ბოლო საშეჯიბრო დღე იქნება. საქართველოს ქალთა ნაკრები (ირმა ხეცურიანი, ნინო თიბილაშვილი, გვანცა ზადიშვილი) ასპარეზობას 04:30 საათიდან დაიწყებს.
ინა ქალდანი (პარაძიუდო, -70კგ)
რევაზ ჩიკოიძე (პარაძიუდო, +100კგ)
ხვალ, პარაძიუდოში შეჯიბრი 05:30 საათიდან დაიწყება. ინა ქალდანი მეოთხედფინალში მექსიკელ რუვალკაბა ალვარესს დაუპირისპირდება. მეოთხედფინალიდან აიწყებს ასპარეზობას რევაზ ჩიკოიძეც, მისი მეტოქე იაპონელი კენტო მასაკი იქნება.
ფოტო: საქართველოს ბანკი
ყაზანის “რუბინისა” და საქართველოს ნაკრების გარემარბმა ხვიჩა კვარაცხელიამ სოციალურ ქსელ Facebook-ში განცხადება გამოაქვეყნა.
როგორც იცით, ვილი სანიოლმა 20 წლის ფეხბურთელი სექტემბერში გასამართი მატჩებისათვის ეროვნული ნაკრების შემადგენლობაში შეიყვანა. 27 აგვისტოს, ცნობილი გახდა, რომ ხვიჩა ნაკრების შეკრებაზე ტრავმის გამო ვერ ჩამოვა და მას გიორგი წიტაიშვილი ჩაანაცვლებს.
გულშემატკივართა ნაწილის აზრით, ხვიჩას ტრავმა არ აწუხებს და ის ნაკრებში სხვა მიზეზის გამო ვერ ჩამოდის. სწორედ ამიტომ გააკრიტიკეს ახალგაზრდა ფეხბურთელი.
“ბევრი არასასიამოვნო შეტყობინება მივიღე, რაც გულსატკენია. ვინც კარგად მიცნობს, ყველამ იცის, რომ ჩემთვის ყველაზე მნიშვნელოვანი ჩემი ქვეყნის სახელით თამაშია და ის, რომ მე უბრალოდ არ ჩამოვდივარ, სრული აბსურდია. ყველაფერზე მეტად, ახლა მე ჩემი ქვეყნის გვერდით დგომა მინდა, მაგრამ სამწუხაროდ, ტრავმა ამის საშუალებას არ მაძლევს. ერთადერთი, რისი თქმაც შემიძლია კრიტიკოსებისთვის – მადლობა, მე ეს უფრო ძლიერს მხდის! მადლობა გვერდში დგომისთვის”, – წერს კვარაცხელია.
საქართველოს ეროვნულ ნაკრებს ტრავმის გამო ხვიჩა კვარაცხელია გამოაკლდა, რომლის ნაცვლად ვილი სანიოლმა გიორგი წიტაიშვილი გამოიძახა.
წიტაიშვილმა რამდენიმე საათის წინ “ჩერნომორეცის” რიგებში შეცვლაზე ითამაშა და მისი გამოძახება დაახლოებით 30 წუთია, რაც ოფიციალურად დადასტურდა.
წიტაიშვილი სექტემბრის მატჩებში ბათუმის “დინამოს” თავდამსხმელთან, გიორგი ფანცულაიასთან ერთად შეუტევს. ფანცულაია 10 გოლით ეროვნული ლიგის ლიდერია.
ორივე გიორგი ლეგენდარული თავდამხსმელების შვილები არიან. წიტაიშვილი კლიმენტი წიტაიშვილის შვილია, რომელმაც კარიერა 1993 წელს “დინამო ზუგდიდში” დაიწყო და “დინამო თბილისსა”, ქეცბაიას “ანორთოსისში”, “ჰაპოელსა” და სხვა გუნდებში ჯამში 80-ზე მეტი გოლი შეაგდო. კლიმენტიმ გიორგი ჯერ “ანორთოსისის” აკადემიაში შეიყვანა, შემდეგ იყო “ბარსელონა” და ბოლოს კიევის “დინამო”, საიდანაც “ჩერნომორეცში” გაანათხოვრეს. კლიმენტიმ დიდი როლი ითამაშა წიტაიშვილის საქართველოს ნაკრების არჩევაში.
გიორგი ფანცულაია მამუკა ფანცულაიას ვაჟია. მამუკამ 1985 წელს საბჭოთა კავშირის შემადგენლობაში ევროპის 18-წლამდე ჩემპიონატზე მიიღო მონაწილეობა და ფინალში დუბლი შეასრულა, შემდეგ კი ტურნირის საუკეთესო ფეხბურთელად დაასახელეს. იგი ერთადერთი ქართველია, ვისაც ასეთი პატივი ერგო. მამუკამ მონაწილეობა მიიღო საქართველოს ნაკრების პირველ ისტორიულ შეხვედრაში ლიტვის წინააღმდეგ. 1990 წელს ეროვნული ლიგის ბომბარდირი გახდა გია გურულთან ერთად 24 გოლით. 52 წლის ასაკში მამუკა მოულოდნელად გარდაიცვალა და სამწუხაროდ, ვერ მოესწრო გიორგის ნაკრებში გამოძახებას. 27 წლის გიორგი ფანცულაია დღეს ერთ-ერთი საუკეთესო ქართველი თავდამსხმელია და შესაძლოა, მომდევნო სეზონში უკვე საზღვარგარეთ ვიხილოთ.
ფანცულაია-წიტაიშვილი
საქართველოს ნაკრების მთავარმა მწვრთნელმა ვილი სანიოლმა სექტემბერში გასამართი მატჩებისათვის ხვიჩა კვარაცხელიას ნაცვლად განაცხადში გიორგი წიტაიშვილი შეიყვანა.
სფფ-ის ცნობით, კვარაცხელიას ტრავმა აწუხებს, რის გამოც ნაკრებს ვერ დაეხმარება.
შეგახსენებთ, რომ გიორგი წიტაიშვილმა საქართველოს მოქალაქეობა ოფიციალურად მიმდინარე წლის მაისში მიიღო და ეს მისთვის ეროვნულ ნაკრებში სადებიუტო გამოძახებაა.
საქართველოს ნაკრები:
მეკარეები: გიორგი ლორია (ანორთოსისი, ფამაგუსტა, კვიპროსი), გიორგი მამარდაშვილი (ვალენსია, ესპანეთი), ლაზარე კუპატაძე (დინამო, ბათუმი, საქართველო)
მცველები: გურამ კაშია (სლოვანი, ბრატისლავა, სლოვაკეთი), ოთარ კაკაბაძე (კრაკოვია, კრაკოვი, პოლონეთი), დავით ხოჭოლავა (კოპენჰაგენი, დანია), გურამ გიორბელიძე (დინამო, დრეზდენი, გერმანია), გრიგოლ ჩაბრაძე (დინამო, ბათუმი, საქართველო), ირაკლი აზაროვი (დინამო, ბათუმი, საქართველო), ლუკა ლოჩოშვილი (ვოლფსბერგი, ავსტრია), საბა ხვადაგიანი (დინამო, თბილისი, საქართველო)
ნახევარმცველები: ჯაბა კანკავა (სლოვანი, ბრატისლავა, სლოვაკეთი) გიორგი აბურჯანია (ჟილ ვისენტე, ბარსელო, პორტუგალია), საბა ლობჟანიძე (ჰატაისპორი, ანტაკია, თურქეთი), ვაკო ყაზაიშვილი (ულსან ჰიუნდაი, სამხრეთ კორეა), გიორგი წიტაიშვილი (ჩერნომორეცი, ოდესა, უკრაინა), გიორგი ჩაკვეტაძე (გენტი, ბელგია), ზურიკო დავითაშვილი (არსენალი, ტულა, რუსეთი), ჯაბა ჯიღაური (დინამო, ბათუმი, საქართველო), ოთარ კიტეიშვილი (შტურმი, გრაცი, ავსტრია), მურთაზ დაუშვილი (აპოელი, ნიქოზია, კვიპროსი), ვლადიმერ მამუჩაშვილი (დინამო, ბათუმი, საქართველო), სანდრო ალთუნაშვილი (დინამო, ბათუმი, საქართველო)
თავდამსხმელები: გიორგი მიქაუტაძე (მეცი, საფრანგეთი), გიორგი ქვილითაია (აპოელი, ნიქოზია, კვიპროსი), გიორგი ფანცულაია (დინამო, ბათუმი, საქართველო)
მატჩების განრიგი
2 სექტემბერი, ბათუმი | ფიფას მსოფლიო ჩემპიონატის შესარჩევი ეტაპის მატჩი
საქართველო – კოსოვო 20:00
5 სექტემბერი, ბადახოსი | ფიფას მსოფლიო ჩემპიონატის შესარჩევი ეტაპის მატჩი
ესპანეთი – საქართველო 22:45
8 სექტემბერი, სოფია | ამხანაგური მატჩი
ბულგარეთი – საქართველო 20:30
29 აგვისტოს, საქართველოს დროით, დილის 08:30 საათზე, UFC-ის ნახევრად მსუბუქ წონაში გიგა ჭიკაძე გამოცდილ ბრაზილიელს, ედსონ ბარბოზას დაუპირისპირდება. ეს ამ ღონისძიების მთავარი ორთაბრძოლა იქნება.
27 აგვისტოს ჭიკაძემ და ბარბოზამ ჯერ წონა ჩააბარეს, შემდეგ კი ერთმანეთის პირისპირ წარსდგნენ.
Your explosive main event is official for #UFCVegas35! ⚖️
🇧🇷 @EdsonBarbozaJR – 145lb
🇬🇪 @Giga_Chikadze – 145.5lb pic.twitter.com/xOk4fNcESg— UFC Europe (@UFCEurope) August 27, 2021
🇧🇷 Barboza v Chikadze 🇬🇪
The main event is going to kick-off! Firewords guaranteed!#UFCVegas35 | Saturday | BT Sport 1 HD pic.twitter.com/DlbkRmBhfi
— UFC on BT Sport (@btsportufc) August 27, 2021
BARBOZA vs CHIKADZE! #UFCVegas35 is LIVE and FREE TOMORROW on @espn! pic.twitter.com/stmLrgoOK1
— danawhite (@danawhite) August 27, 2021
“პარი სენ-ჟერმენის” ყოფილი კაპიტანი ტიაგო სილვა მიიჩნევს, რომ პარიზული კლუბი მას არასწორად მოექცა, როცა შარშან ახალი კონტრაქტი არ შესთავაზა.
“სერხიო რამოსის საწინააღმდეგო არაფერი მაქვს, მაგრამ როცა “პარი სენ-ჟერმენმა” მას ორწლიანი კონტრაქტი შესთავაზა, ის იმ ასაკის იყო, რა ასაკისაც მე გასულ წელს ვიყავი. ეს ჩემთვის სამწუხაროა. ამის შესახებ აქამდე არავისთან მისაუბრია. თავი ისე ვიგრძენი, თითქოს ამ კლუბისათვის არაფერი გამიკეთებია. ჩემი პსჟ-დან წასვლა უკვე წარსულია, მაგრამ მიუხედავად ამისა, ამ საკითხზე ბევრს ვფიქრობ. ყველაფერი სხვაგვარად უნდა მომხდარიყო, რადგან მე პსჟ-ში არა 8 დღე ან 8 თვე, არამედ 8 წელი გავატარე. ერთად ბევრი გამარჯვება ვიზეიმეთ და წვლილი შევიტანე იმაში, რომ “პარი სენ-ჟერმენი” გამხდარიყო ისეთი დონის კლუბი, როგორიც ახლაა”, – უთხრა ტიაგო სილვამ ESPN Brazil-ს.
შეგახსენებთ, რომ ბრაზილიელმა ცენტრალურმა მცველმა პარიზული კლუბი თავისუფალი აგენტის სტატუსით 35 წლის ასაკში დატოვა და “ჩელსის” შეუერთდა.
კრიშტიანო რონალდუმ ტურინის “იუვენტუსის” დატოვების შემდეგ სოციალურ ქსელში განცხადება გამოაქვეყნა. პორტუგალიელი ფეხბურთელი ტურინულ გუნდს, ქალაქსა და მის ფანებს დაემშვიდობა.
“დღეს საოცარ კლუბს ვტოვებ, ყველაზე დიდ კლუბს იტალიაში და ერთ-ერთ ყველაზე დიდ კლუბს ევროპაში. “იუვენტუსისათვის” მთელი გული და სული გავიღე. ყოველთვის მეყვარება ქალაქი ტურინი. “იუვენტუსის” ფანები ყოველთვის პატივს მცემდნენ და ვცდილობდი მათთვის მადლობა თითოეულ მატჩში, ყველა სეზონსა და ტურნირში ბრძოლით გადამეხადა. შეგვიძლია უკან მივიხედოთ და გავაანალიზოთ, რომ დიდ წარმატებას მივაღწიეთ. შეიძლება, ეს არ იყო ისეთი წარმატება, როგორიც ყველას გვინდოდა, მაგრამ ერთად საკმაოდ ლამაზი ისტორია დავწერეთ.
მე ყოველთვის ვიქნები ერთ-ერთი თქვენთაგანი. თქვენ ჩემი ისტორიის ნაწილი ხართ და ვგრძნობ, რომ მე თქვენი ისტორიის ნაწილი ვარ. იტალია, “იუვე”, ტურინი, ტიფოზები – ჩემს გულში დარჩებით”, – წერს რონალდუ.
შეგახსენებთ, რომ 36 წლის თავდამსხმელი “მანჩესტერ იუნაიტედში” დაბრუნდა და ყოფილ კლუბთან ხელშეკრულება 2023 წლის ივნისის ჩათვლით გააფორმა.
“მანჩესტერ იუნაიტედის” რიგებში დაბრუნებულმა კრიშტიანუ რონალდუმ ტურინის “იუვენტუსს” გამოსამშვიდობებელი წერილი მიუძღვნა. პორტუგალიელი სუპერვარსკვლავის “მანჩესტერ იუნაიტედში” ტრანსფერი რამდენიმე საათის წინ დადასტურდა.
“დღეს მე გასაოცარი, იტალიაში უდიდესი და ნამდვილად ევროპის ერთ-ერთი საუკეთესო კლუბი დავტოვე. “იუვენტუსს” ჩემი გული და სული მივუძღვენი და ტურინი სიცოცხლის ბოლო დღეებამდე მეყვარება.
“tiffosi bianconeri” ყოველთვის დიდ პატივს მცემდა და მე მათდამი პატივისცემის გამოხატვას ყოველ მატჩში, სეზონსა და ტურნირზე ბოლომდე ბრძოლით ვცდილობდი. საბოლოოდ, შეგვიძლია უკან გავიხედოთ და დავრწმუნდეთ, რომ დიდებულ მიზნებს მივაღწიეთ. შესაძლოა, ის არ იყო, რაც გვინდოდა, თუმცა ერთად ბევრ რამეს მივაღწიეთ.
“Juve, storia di un grande amore
Bianco che abbraccia il nero
Coro che si alza davvero
Juve per sempre sara…”
მე ყოველთვის ერთ-ერთი თქვენგანი ვიქნები. თქვენ ახლა ჩემი ისტორიის ნაწილი ხართ. იტალია, “იუვე”, ტურინი, “tiffosi bianconeri”, თქვენ ყოველთვის იქნებით ჩემ გულში,” – ვკითხულობთ რონალდუს გამოსამშვიდობებელ წერილში.
ინტერნეტპორტალი Goal-ი იუწყება, რომ მადრიდის “რეალმა” გუნდის გარემარბი ედენ აზარი ტრანსფერზე დააყენა.
წყაროს თანახმად, “სამეფო კლუბის” ხელმძღვანელობამ აღნიშნული გადაწყვეტილება “პარი სენ-ჟერმენიდან” კილიან მბაპეს შესაძლო გადმობირების გამო მიიღო. 22 წლის ფრანგი თავდამსხმელის დამატების შემთხვევაში, “რეალს” აზარის, მარკო ასენსიოს ან როდრიგოს გაყიდვა მოუწევს.
გავრცელებული ინფორმაციის თანახმად, კილიან მბაპემ “პარი სენ-ჟერმენის” ფეხბურთელებს უკვე აცნობა, რომ კარიერას “რეალში” გააგრძელებს.
