29 წლის შემტევი ნახევარმცველი ნიკა ძალამიძე კარიერას ქობულეთის “შუქურაში” გააგრძელებს.

ძალამიძე “შუქურაში” 2021 წლის ბოლომდე ითამაშებს და ფეხბურთს თითქმის 2-წლიანი პაუზის შემდეგ უბრუნდება.

ნიკას საუკეთესო პერიოდი პოლონეთში ჰქონდა, სადაც “ვიძევში”, “იაგელონიაში” და “გურნიკში” ირჯებოდა. უთამაშია თურქულ “რიზესპორში”, მოსკოვის “ცსკას” სარეზერვო გუნდში, “ბალტიკაში”, რუმინეთის “იუვენტუსში”, ზუგდიდის “ბაიაში”, “დინამო თბილისსა” და “რუსთავში”.

“შუქურა” ელიგაში მე-7 ადგილზეა.

“დინამო ბათუმსა” და ფრანგ ფორვარდ ვამარა სანოგოს შორის კონტრაქტი ურთიერთშეთანხმების საფუძველზე გაწყდა.

სანოგომ გუნდში დამკვიდრება ვერ მოახერხა, დასაწყისში მძიმე ტრავმა მიიღო, რის გამოც რამდენიმე თვე გაუცდა და ბოლო პერიოდშიც ვერ გამოიჩინა თავი. 13 მატჩში 2 გოლი გაიტანა.

მოსალოდნელია, რომ “დინამო” ახალ უცხოელ თავდამსხმელს კვლავ დაიმატებს.

სანოგომდე კლუბში ბრაზილიელი რეინალდოც იყო, თუმცა ისიც უშედეგოდ დაშორდა ბათუმს.