28 ივლისს, საქართველოს ძიუდოისტთა ნაკრების წევრი, -90კგ წონით კატეგორიაში მოასპარეზე ლაშა ბექაური ტოკიოს ოლიმპიური თამაშების გამარჯვებული გახდა.
29 ივლისს, ლაშა ბექაურმა სოციალურ ქსელში პოსტი გამოაქვეყნა. მის ფოტოებს გამოეხმაურა უკრაინელი ძიუდოისტი დარია ბილოდიდი.
“ლეგენდა”, – წერს ბილოდიდი ლაშა ბექაურის პოსტის კომენტარებში.
ბექაურის პასუხი: “არა, ლეგენდა შენ ხარ.”
შეგახსენებთ, რომ 20 წლის უკრაინელმა ტოკიოს ოლიმპიურ თამაშებზე ბრინჯაოს მედალი მოიპოვა.
ოლიმპიური ჩემპიონი ლაშა ბექაური ვარლამ ლიპარტელიანის მიერ კარიერის დასრულების ამბავს გამოეხმაურა. ახალგაზრდა ძიუდოისტმა ლიპოს მადლობა გადაუხადა.
“ლიპო, მადლობა ყველაფრისთვის. შენ ხარ ქართული ძიუდოს დიდი ლეგენდა, რომლის სახელიც საქართველოს ისტორიაში სამუდამოდ იარსებებს. მადლობა ყველაფრისთვის კიდევ ერთხელ, ჩემპიონო. შენ მრავალჯერ გაახარე ჩვენი გულები”, – წერს ბექაური სოციალურ ქსელში.
შეგახსენებთ, რომ ვარლამ ლიპარტელიანმა კარიერა 32 წლის ასაკში დაასრულა.
საქართველოს ეროვნული ნაკრების მცველმა გია გრიგალავამ ტულის “არსენალი” დატოვა და ფორმის შესანარჩუნებლად მოსკოვის “ტორპედოში” ვარჯიშობს. 31 წლის ფეხბურთელი ამბობს, რომ განიხილავს რუსეთის უმაღლეს დივიზიონში დარჩენის შესაძლებლობებს.
“რატომ არ გამიგრძელეს კონტრაქტი? არ ვიცი, ასე რატომ გამოვიდა. ესე იგი გუნდს არ ვერგები. კლუბის ხელმძღვანელობას უნდა ჰკითხოთ. დარწმუნებული ვიყავი, რომ ხელშეკრულებას გამიხანგრძლივებდნენ და გუნდში დავრჩებოდი. ამის წინაპირობები და საუბრებიც იყო. ჩემთვის მოულოდნელია, რაც მოხდა. სეზონის განმავლობაში კლუბის ხელმძღვანელებმა მითხრეს, რომ კონტრაქტს გამიხანგრძლივებდნენ. სეზონი დასრულდა და შვებულებაში წავედი. შემდეგ არავინ დამიკავშირდა.
ახლა მოსკოვში ვარ, “ტორპედოში” ვვარჯიშობ, ფორმას ვინარჩუნებ. კლუბის ხელმძღვანელებს გუნდთან ერთად ვარჯიში ვთხოვე და დამთანხმდნენ. “ტორპედოსთან” არანაირი შეთანხმება არ მაქვს, მაგრამ არ ვიცი, რა იქნება მომავალში.
რამდენიმე კლუბთან მაქვს საუბრები, თუმცა ჯერ ვერ გეტყვით, რომელ გუნდებთან. რუსეთის მეორე ლიგაზე არ მსურს ლაპარაკი. მხოლოდ პრემიერლიგის ვარიანტს განვიხილავ. მინდა, რომ ეს გაურკვევლობა მალე დასრულდეს”, – აღნიშნა გია გრიგალავამ.
ხვალ, 30 ივლისს, ტოკიოს ოლიმპიურ თამაშებზე საქართველოს დელეგაციის ოთხი წევრი იასპარეზებს. მედლების მოპოვების შანსი ექნება გურამ თუშიშვილსა და ნინო სალუქვაძეს, ხოლო ესკერხან მადიევი და სოფიკო შათირიშვილი მომდევნო ეტაპზე გასასვლელად იბრძოლებენ.
30 ივლისი
ნინო სალუქვაძე (25მ. პისტოლეტი)
ნინო სალუქვაძემ საკვალიფიკაციო ეტაპის პირველი ნაწილი მე-7 ადგილზე დაასრულა. ხვალ, 30 ივლისს, 04:00 საათიდან ის საკვალიფიკაციო ეტაპის მეორე ნაწილში მიიღებს მონაწილეობას. საერთო ჯამში, შედეგებით, თუ ის რვა საუკეთესო სპორტსმენს შორის მოხვდება, ფინალში იასპარეზებს, რომელიც ხვალვე გაიმართება.
გურამ თუშიშვილი (ძიუდო, +100კგ)
ძიუდოს ტურნირი კვლავაც 06:00 საათზე დაიწყება. გურამ თუშიშვილი ასპარეზობას მეორე ეტაპიდან დაიწყებს, სადაც მისი მეტოქე ტაჯიკ რახიმოვსა და კუბელ გრანდას შორის გამარჯვებული იქნება.
ესკერხან მადიევი (კრივი, -69კგ)
საქართველოს ნაკრების წევრი ოლიმპიური თამაშების მეოთხედფინალში რუსეთის ოლიმპიური კომიტეტის წარმომადგენელს, ანდრეი ზამკოვოის დაუპირისპირდება. ეს შეხვედრა 13:51 საათზეა ჩანიშნული.
სოფიკო შათირიშვილი (ბირთვის კვრა)
26 წლის მძლეოსანი ასპარეზობას საკვალიფიკაციო ეტაპზე, B ჯგუფში 14:25 საათიდან დაიწყებს. ფინალურ ეტაპზე მოსახვედრად, საჭიროა, რომ სოფიკო 12 საუკეთესო სპორტსმენს შორის მოხვდეს.
იმისათვის, რომ არ გამოგრჩეთ არცერთი სიახლე ქართველი ოლიმპიელების გამოსვლებზე, თვალი ადევნეთ:
• ფეისბუქ გვერდს საქართველო ოლიმპიურ თამაშებზე
• Fanebi.Com-ის ვებ-გვერდს
• ფეისბუქ გვერდს FANEBI.COM
ოლიმპიურმა ჩემპიონმა, ლაშა ბექაურმა განაცხადა, რომ მილიონი ლარით, პირველ რიგში, ემიგრაციაში მყოფი ბებიისა და დეიდის საქართველოში დაბრუნება სურს.
ტვ პირველის ეთერში, ჟურნალისტმა მას ჰკითხა, რაში დახარჯავს მილიონ ლარს:
“ბებიაჩემი და დეიდაჩემი საბერძნეთში არიან, იქ მუშაობენ, ემიგრანტები არიან. პირველ რიგში, მინდა, რომ ისინი ჩამოვიყვანო საქართველოში. ზოგადად, არ მიფიქრია, რას ვუზამ მილიონს. ჩემი სურვილი ეს არის, პირველ რიგში”, – განაცხადა ბექაურმა.
ვარლამ ლიპარტელიანი – შადი ელნაჰასი (კანადა)
“საბურთალო” აზად რაჰიმოვის სახელობის თასის პირველი გამარჯვებულია. “საბურთალომ” აზერბაიჯანული “საბაჰი” პენალტების სერიაში 4-2 დაამარცხა.
ანგარიში აკაკი შულაიამ თერთმეტრიანით გახსნა, თუმცა “საბაჰმა” მე-2 ნახევარში გაათანაბრა. პენალტების სერიაში შეცვლაზე შემოსულმა “საბურთალოს” აკადემიელმა მეკარემ, ლუკა ლეჟავამ 2 ბურთი მოიგერია და გუნდს გამარჯვება მოუტანა.
ხსენებული მატჩი მიეძღვნა აზერბაიჯანის სპორტისა და ახალგაზრდობის ყოფილი მინისტრის, აზად რაჰიმოვის ხსოვნას.
შეხვედრა ყოველწლიურ ხასიათს მიიღებს.
ლეგენდარულ ბრაზილიელ ფეხბურთელ რონალდო ლუის ნაზარიო დე ლიმას ოლიმპიური თამაშების საფეხბურთო ტურნირზე მხოლოდ ერთხელ უთამაშია. ეს ატლანტაში, 1996 წელს გამართულ ოლიმპიადაზე მოხდა, თუმცა მაშინ, რაც არ უნდა გასაკვირი იყოს, რონალდოს მაისურზე გვარად რონალდინიო იყო მითითებული.
მაშინ რონალდოს ნაკრებში არათუ საფირმო სათამაშო ნომერი, საკუთარი გვარიც კი არ ჰქონდა დაბევებული, ყველაფერი კი მსოფლიოს 1994 წლის ჩემპიონატზე დაიწყო. ამერიკის შეერთებულ შტატებში გამართულ მუნდიალზე “სელესაოს” განაცხადში ორი რონალდო მოხვდა: “სან პაულუს” 28 წლის მცველი და “კრუზეიროს” 17 წლის თავდამსხმელი, შემდგომ საქვეყნოდ ცნობილი რონალდო. მაშინ გადაწყდა, რომ ასაკით უფროს რონალდოს მაისურზე გვარად “რონალდაოს” დააწერდნენ, რაც “დიდ რონალდოს” ნიშნავს, ხოლო უმცროსი რონალდო მოხსენიებული იქნებოდა, როგორც “რონალდინიო” ანუ “პატარა რონალდო”. ეს პრაქტიკა 1996 წლის ოლიმპიურ თამაშებზეც გაგრძელდა. ამჯერად უფროსი რონალდო იმხანად “ატლეტიკო მინეიროს” 22 წლის მცველი რონალდო გუიარო გახლდათ, კიჭას მაისურზე კი კვლავ “რონალდინიო” იყო მითითებული.
ოლიმპიადაზე ფენომენომ ხუთი ბურთი გაიტანა, რითაც მხოლოდ ბებეტოსა და ერნან კრესპოს ჩამორჩა (6-6 გოლი). ბრაზილიის ნაკრებმა ჯგუფური ეტაპი მოიგო და მეოთხედფინალში გავიდა, სადაც განის გუნდი უპრობლემოდ დაამარცხა (4:2), თუმცა ნახევარფინალურ ეტაპზე ნიგერიის ნაკრების ბარიერი ვერ დაძლია (3:4) და ფინალამდე ვერ გააღწია. “სელესაომ” მესამე ადგილისთვის ბრძოლაში ჯავრი პორტუგალიის ნაკრებზე იყარა (5:0) და ბრაზილიელები ბრინჯაოს მედლებს დასჯერდნენ.
აქვე გთავაზობთ 1996 წლის ოლიმპიადაზე რონალდოს თამაშის ამსახველ ვიდეომასალას.
ესპანეთის ძიუდოისტთა ნაკრების წევრმა, მსოფლიოს მოქმედმა ჩემპიონმა ნიკოლოზ შერაზადიშვილმა ტოკიოს ოლიმპიურ თამაშებზე წარუმატებელი გამოსვლის შემდეგ კომენტარი გააკეთა.
შერაზადიშვილი -90კგ წონითი კატეგორიის მეოთხედფინალში რუსეთის ოლიმპიური კომიტეტის წარმომადგენელ მიხაილ იგოლნიკოვთან დამარცხდა. ნიკო რეპეშაჟში გადაერთო, სადაც შეხვედრა დავლატ ბობონოვთან დათმო.
“წნეხი, ნერვები… წნეხი ყოველთვის არსებობს, მაგრამ ეს ასეც უნდა იყოს. ახლა მინდა, რომ გონება გავათავისუფლო. ტატამის დანახვა არ მინდა, განადგურებული ვარ”, – თქვა შერაზადიშვილმა ესპანურ მედიასთან ინტერვიუში.
საქართველოს ძალოსანთა ნაკრების ექიმმა, გიორგი ჭინჭარაულმა სოციალურ ქსელში პოსტი გამოაქვეყნა.
როგორც იცით, ტოკიოს ოლიმპიურ თამაშებამდე ერთი თვით ადრე ლაშა ბექაურმა უნგრეთში გამართულ მსოფლიო ჩემპიონატზე მხრის ტრავმა მიიღო. იყო საშიშროება, რომ მას ოლიმპიადა გამოეტოვებინა, თუმცა ქართველმა ექიმებმა უდიდესი სამუშაო შეასრულეს.
“ბაკურიანში ვიყავით შეკრებაზე, ზურა კახაბრიშვილი ჩამოვიდა, გაგვამხნევა, სამედიცინო ინვენტარით მომამარაგა, რჩევები მომცა, ძალოსნების ჯანმრთელობას გაეცნო და იქვე საუბრისას ბექაურზე ჩამოაგდო სიტყვა….
ვთხოვე ბექაურის ტრავმის მაგნიტურ რეზონანსული ტომოგრაფიის დასკვნა ეჩვენებინა და როცა დავხედე, კინაღამ გული გადამიტრიალდა. მეცხრე წელია ამ სფეროში ვარ და მე მსგავსი მოცულობის ტექსტი, არცერთი სპორტული ტრავმის აღწერაზე არ მინახავს… უამრავი რამ ეწერა და ურთულესი იყო მდგომარეობა.
ლაშა ბექაურს ჯერ კიდევ არ ვიცნობდი და არც მისი მებრძოლი ხასიათი ვიცოდი… აი, რას შვება მთა, მთის ლაღი, ქართული სული.
ვნახე დასკვნა დაპირდაპირ ვუთხარი, ზურა ნუ გარისკავ… მე ვფიქრობ, ჯობს იმკურნალოს და მოემზადოს შემდეგი შეჯიბრებისთვის მეთქი.
ჩემი ხო გჯერაო, მითხრა ზურა მამობილმა… დავუქნიე თავი, რა მექნა.
ხოდა დღეს პირადად კახაბრიშვილს ვულოცავ ამ გამარჯვებას! მან შეძლო მკურნალობით, რეჟიმით, ინდივიდუალური ვარჯიშებით, ნემსებით, ფიზიოთერაპიებით, კინეზოტეიპირებით, მასაჟით და ა.შ… რომ ეს შედეგი დაედო…
დიახ, ბექაურის ამ შედეგში, სამედიცინო გუნდმა უდიდესიი წვლილი შეიტანა და ვულოცავ ყველა ჩემს კოლეგას, ვინც ლაშას მზადებაში იყო ჩართული.
ზურა, ოქრო ხარ!
მადლობა, რომ პირობა შეგვისრულე.
ფოტოზე შენი ემოციაც არ მიკვირს”, – წერს გიორგი ჭინჭარაული.
შეგახსენებთ, რომ ლაშა ბექაურმა ტოკიოს ოლიმპიურ თამაშებზე საქართველოს პირველი ოქროს მედალი მოუპოვა.
ვეტერანმა ესპანელმა ფეხბურთელმა ხოაკინ სანჩესმა “ბეტისსა” და “ვულვერჰემპტონს” შორის გამართული საკონტროლო მატჩი საინტერესო მიზეზის გამო გამოტოვა. შეხვედრის ოქმში ანდალუსიელი ნახევარმცველის უქმობის მიზეზად ნაბახუსევზე ყოფნაა აღნიშნული.
ხოაკინს 21 ივლისს 40 წელი შეუსრულდა და როგორც ჩანს, ზომაზე მეტად მოილხინა, რის გამოც 24 ივლისს გამართულ მატჩში თამაში ვეღარ შეძლო.
შეხვედრა ინგლისელთა გამარჯვებით, ანგარიშით 1:0 დასრულდა.
