2022 წლის 17 მაისი. წყალტუბოს “სამგურალი” სტუმრად “გაგრას” 0-2 ამარცხებს, ზედიზედ მე-5 გამარჯვებას მოიპოვებს და 26 ქულით მე-3 ადგილზეა. 26 ქულა აქვს თბილისის “დინამოსაც” და ბათუმს 31.
2021 წლის 14 მაისი – მე-13 ტური. “თელავი” გიორგი მიქაძემ ჩაიბარა. “თელავი” 8 ქულით ბოლო ადგილზე იყო. სეზონის ბოლო გუნდს 44 ქულა აქვს და ჩემპიონატს მე-6 პოზიციაზე ასრულებს.
2020 წლის 24 სექტემბერი – მე-11 ტური. გიორგი “სამტრედიაში” მიდის, რომელსაც 9 ქულა აქვს. “სამტრედია” ახერხებს მის პირველ მატჩებში ზედიზედ რამდენიმეს მოგებას და 19 ქულით ყოველგვარი პლეი-აუტის გარეშე, ელიგაში რჩება.
ეს არის მოკლე მიმოხილვა გიორგი მიქაძის ბოლო 2 წლის საკლუბო კარიერის. დღეს “სამგურალი” რომ არც თუ ისე გამორჩეული შემადგენლობით ასეთ შედეგს დებს, დიდწილად სწორედ მთავარი მწვრთნელის დამსახურებაა.
მენტორი წარმატებულად ახალგაზრდულ ნაკრებშიც მუშაობდა და იმედია, მის წარმატებას მეტი დამფასებელი და დამნახავი ეყოლება.
შესაძლოა ხმამაღალი ნათქვამია, მაგრამ ვფიქრობ, ერთ დღესაც, წლების შემდეგ, მიქაძე ეროვნულ ნაკრების პოსტსაც ჩაიბარებს.
