ფიგუ: „რონალდუს ეუსებიოსთან შედარება არასწორია“

მადრიდის „რეალისა“ და პორტუგალიის ნაკრების ყოფილი ნახევარმცველი ლუიშ ფიგუ მიიჩნევს, რომ კრიშტიანო რონალდუს ეუსებიოსთან შედარება არაკორექტულია. შეგახსენებთ, რომ ჩრდილოეთ ირლანდიის ნაკრების წინააღმდეგ გამართულ მატჩში რონალდუმ ჰეთ-თრიკი შეასრულა, სანაკრებო დონეზე 43 გოლი მოაგროვა და პორტუგალიის ნაკრების ყველა დროის საუკეთესო ბომბარდირი ეუსებიო უკან ჩამოიტოვა.

„ეს უსამართლო შედარებაა. არა მგონია, რომ ეუსებიოსთან ვინმეს შედარება შეიძლებოდეს. ჩემთვის ის მეფეა. ასეთი შედარება სუბიექტური მიდგომაა. ვიღაცას მოსწონს რონალდუ, ვიღაცას – ფიგუ, ვიღაცას კი მარადონა ან ეუსებიო. ყველას თავისი აზრი აქვს“, – ციტირებს ფიგუს სიტყვებს ესპანური გამოცემა „მარკა“.

ბექა დოგრაშვილი