პრიმერა: 32-ე ტურის მიმოხილვა

თარიღი: აპრილი 20, 2015

Fanebi.com წარმოგიდგენთ ესპანური პრიმერა დივიზიონის 32-ე ტურის მიმოხილვა.

ბარსელონა – ვალენსია

ესპანური პრიმერას 32-ე ტურის ცენტრალურ შეხვედრაში “ბარსელონამ” “ვალენსია” მიიღო და ორბურთიანი სხვაობით დაამარცხა.

კატალონიელებმა ანგარიში შეხვედრის პირველივე წუთზე, ლუის სუარესის ძალისხმევით გახნეს. “ვალენსიას” გათანაბრების შანსი მე-9 წუთზე მიეცა, თუმცა დანი პარეხომ პენალტის გატანა ვერ მოახერხა.

შეხვედრა საკმაოდ თანაბრად მიმდინარეობდა და ანგარიშის შეცვლის შანსი ორივე გუნდს ჰქონდა, თუმცა ამის გაკეთება მასპინძლებმა მოახერხეს. საფინალო სასტვენამდე რამდენიმე წამით ადრე მეკარესთან პირისპირ გასულმა მესიმ 2:0 დააფიქსირა და ამავდროულად კატალონიური კლუბის მაისურით მე-400 გოლი გაიტანა.

რალი – მალაგა

გამარჯვების მოპოვება არც “ბარსას” მთავარ მდევარს გასჭირვებია. “მალაგას” სახით მადრიდელებს საკმაოდ უხერხული მეტოქე ჰყავდათ, თუმცა განსაკუთრებული პრობლემების შექმნა სტუმრებმა “სამეფო კლუბისთვის” ვერ შეძლეს.

“სამეფო კლუბმა” პირველი ტაიმის მინიმალური ანგარიშით, სერხიო რამოსის მიერ 24-ე წუთზე გატანილი გოლით მოიგო. მეორე ნახევარში მასპინძელთა უპირატესობა ორამდე ხამეს როდრიგესმა გაზარდა, თუმცა მალევე სხვაობა ხუანმიმ შემაცირა. საბოლოო ანგარიში მსაჯის მიერ კომპენსირებულ წუთებზე კრიშტიანუ რონალდუმ დააფიქსირა – 3:1 და ლიდერებს შორის 2 ქულიანი სხვაობა უცვლელი დარჩა.

გრანადა – სევილია

ტურს მოულოდნელი შედეგის გარეშე არ ჩაუვლია. ანდალუსიური დერბიში “სევილიამ” ქულები აუტსაიდერ “გრანადასთან” დაკარგა, თუმცა ბარსელონაში “ვალენსიას” მარცხის გათვალისწინებით ფრეს ემერის გუნდისთვის კატასტროფული შედეგი არ ჰქონია. მეტიც, სევილიელებმა ამ ერთი შეხედვით წარუამტებელი შედეგით კონკურენტთან სხვაობის შემცირებაც კი შეძლეს.

გრანადაში ჩატარებული მატჩის მთავარი გმირი მასპინძელთა კაპიტანი, დიეგო მაინცი გახდა. მე-16 წუთზე 32 წლის მცველმა საკუთარი გუნდი დააწინაურა, თუმცა 69-ზე მან “რეალთან” მატჩის მსგავსად ამჯერად საკუთარ კარში გაიტანა და საბოლოო ანგარიში, 1:1 დააფიქსირა.

ტურის ყველა მატჩი

17.04	22:45	ლევანტე	2:2	ესპანიოლი	დაწვრილებით
18.04	18:00	ბარსელონა	2:0	ვალენსია	დაწვრილებით
18.04	20:00	დეპორტივო	1:2	ატლეტიკო	დაწვრილებით
18.04	22:00	რეალი	3:1	მალაგა	დაწვრილებით
18.04	23:55	ბილბაო	4:0	ხეტაფე	დაწვრილებით
19.04	14:00	რაიო ვალეკანო	2:0	ალმერია	დაწვრილებით
19.04	19:00	გრანადა	1:1	სევილია	დაწვრილებით
19.04	21:00	ვილიარეალი	0:0	კორდობა	დაწვრილებით
19.04	23:00	ეიბარი	0:1	სელტა	დაწვრილებით
20.04	22:45	ელჩე	-:-	სოსიედადი	დაწვრილებით