“რეალი” მზადაა 200 მილიონი ევრო ჰარი კეინში გადაიხადოს

ბოლო წლების ტრიუმფატორი, მადრიდის “რეალი” მზადაა ინგლისელ ფეხბურთელში, ჰარი კეინში 200 მილიონი ევრო გადაიხადოს.

მიმდინარე სეზონში მადრიდის “რეალს” არც თუ ისე კარგი სტარტი აქვს, ამის მიზეზად კი შეიძლება მუდმივი ტრამვები დავასახელოთ. მას შემდეგ, რაც ზაფხულის სატრანსფერო ფანჯარაზე გუნდი მორატამ დატოვა და კარიმ ბენზემას გამუდმებით ტრამვები აწუხებს, ასევე სრულად ვერ გამომჯობინდა ბეილი, მადრიდელთა მესვეურები დაფიქრდნენ ახალი ფეხბურთელის მოყვანაზე.

ისინი მზად არიან ძალიან კარგ ფორმაში მყოფი ჰარი კეინი დაიმატონ. “რეალს” მსგავი რისკი აქამდეც გაუწევია, როდესაც 24 წლის ასაკში “მანჩესტერ იუნაიტეტიდან” რონალდუ დაიმატეს. მადრიდელები იმედოვნებენ, რომ ამ შემთხვევაშიც გაამართლებს მათი რისკი და შეტევის ხაზი საკმაოდ გაძლიერდება.