“რეალი” ფანებს: “არ აღვნიშნოთ ჩემპიონობა მასობრივი თავშეყრით”

მადრიდის “რეალმა” საკუთარ ფანებს მიმართა და მოუწოდა მათ, რომ “სამეფო კლუბის” გაჩემპიონების შემთხვევაში, პლაზა დე სიბელესზე არ შეიკრიბონ. ეს მადრიდის ერთ-ერთი მთავარი მოედანია, სადაც “რეალის” ქომაგები მათი საყვარელი გუნდის ჩემპიონობას აღნიშნავენ ხოლმე.

ოფიციალურ განცხადებაში ვკითხულობთ, რომ ესპანეთი ჯერ კიდევ ებრძვის კორონავირუსულ ინფექციას და სიტუაციის დამძიმების თავიდან არიდების მიზნით “რეალის” შესაძლო გაჩემპიონება მასობრივი თავშეყრის გარეშე აღინიშნება.

შეგახსენებთ, რომ ესპანეთის პრიმერადივიზიონის მიმდინარე გათამაშების დასრულებამდე ორი ტურია დარჩენილი. ლიდერ “რეალს” მდევარი “ბარსელონა” ოთხი ქულით ჩამორჩება. თუ მადრიდელები დამდეგ ტურში, საკუთარ მოედანზე “ვილიარეალს” დაამარცხებენ, ამით ჩემპიონის ტიტულს გაინაღდებენ. შეხვედრა 16 ივლისს ჩატარდება.