“რეალი” რონალდუს ახალ კონტრაქტს შესთავაზებს

მადრიდის “რეალის” გუნდის ლიდერ კრიშტიანუ რონალდუს ახალ კონტრაქტს შესთავაზებს. ამ ინფორმაციას ტელეკომპანია “კუატრო” ავრცელებს.

წყაროს თანახმად, “სამეფო კლუბის” ხელმძღვანელობა პორტუგალიელ ფეხბურთელს კონტრაქტის 2021 წლამდე გახანგრძლივებასა და ხელფასის სახით წელიწადში 23 მილიონ ევროს შესთავაზებს. გარიგება ოფიციალურად ორ-სამ კვირაში უნდა დადასტურდეს.

შეგახსენებთ, რომ კრიშტიანუ რონალდუ მადრიდის “რეალში” 2009 წელს “მანჩესტერ იუნაიტედიდან” გადავიდა. ტრანსფერში ესპანურმა კლუბმა 94 მილიონი ევრო გაიღო. რონალდუსა და “რეალს” შორის გაფორმებულ მოქმედ შრომით ხელშეკრულებას ვადა 2018 წლის ზაფხულში ეწურება.