“რეალმა” ზიდანის თავკაცობის პერიოდში ტრანსფერებზე მხოლოდ 70 მილიონი დახარჯა

მადრიდის “რეალმა” ზინედინ ზიდანის 2,5-წლიანი თავკაცობის პერიოდში მხოლოდ სამი ფეხბურთელი შეიძინა: მცველი ტეო ერნანდესი, ნახევარმცველი დანი სებალიოსი და თავდამსხმელი ალვარო მორატა. კლუბმა სამივე ტრანსფერის განხორციელებაში ჯამში 70,5 მილიონი ევრო დახარჯა.

შეგახსენებთ, რომ გუშინ, 31 მაისს, 45 წლის ფრანგმა სპეციალისტმა “სამეფო კლუბის” მთავარი მწვრთნელის პოსტი დატოვა, მიუხედავად იმისა, რომ მხარეებს შორის კონტრაქტი 2020 წლამდე იყო გაფორმებული. ზინედინ ზიდანის თავკაცობის პერიოდში “რეალმა” ცხრა ტიტული მოიგო, მათ შორის ზედიზედ სამჯერ ჩემპიონთა ლიგის გამარჯვებული გახდა.