“რივერ პლეიტს” მასკერანოს დაბრუნება სურს

Sport Mediaset-ის ცნობით, არგენტინული “რივერ პლეიტის” მესვეურები “ბარსელონას” ნახევარმცველ ხავიერ მასკერანოს დაბრუნებაზე ფიქრობენ.

არგენტინელები გეგმავენ, რომ 31 წლის ფეხბურთელი მოთამაშე მწვრთნელის პოსტზე დანიშნონ. წყაროს ცნობით, “რივერ პლეიტის” ხელმძღვანელობა მასკერანოსთან მოლაპარაკებებს მაშინ დაიწყებს, როდესაც კლუბის ამჟამინდელ თავკაც მარსელო გალიარდოს მოქმედი კონტრაქტის ვადა ამოეწურება. ცნობისთვის, მათ შორის შრომითი ხელშეკრულება 2017 წლამდეა დადებული.

ხავიერ მასკერანო “რივერ პლეიტის” აღზრდილია და იგი კლუბის ღირსებას 2005 წლამდე იცავდა.