რომელ საფეხბურთო სკოლაში შეიყვანა რონალდუმ საკუთარი შვილი

მადრიდის “რეალის” ლიდერმა კრიშტიანუ რონალდუმ საკუთარი შვილი ესპანურ საფეხბურთო კლუბ “პასუელოს” სკოლაში შეიყვანა.

პორტუგალიელი თავდასხმელი არ დაადგა სხვა ფეხბურთელების გზას, რომლებმაც თავიანთი შვილები იმ კლუბების სკოლებში შეიყვანეს, რომელთა ღირსებასაც ისინი იცავენ. მაგალითად, ლიონელ მესიმ, ჟერარ პიკემ და ლუის სუარესმა თავიანთი შვილები “ბარსელონას”, უეინ რუნიმ და მაიკლ კერიკმა კი “მანჩესტერ იუნაიტედის” სკოლებს მიაბარეს.

“ელ მუნდო დეპორტიოვოს” თანახმად, კრიშტიანუ რონალდუს სურს, რომ საკუთარი შვილი ჟურნალისტების ზედმეტ ყურადღებას მოარიდოს, ამიტომაც შეიყვანა იგი მოკრძალებული “პასუელოს” სკოლაში.