რონალდინიო: “ერთხელაც “ოქროს ბურთს” ნეიმარი მოიგებს, ეს მხოლოდ დროის საკითხია”

“ბარსელონას” ყოფილი ნახევარმცველი რონალდინიო დარწმუნებულია, რომ უახლოეს მომავალში ნეიმარი “ოქროს ბურთს” მოიგებს.

“ნეიმარი და მე მეგობრები ვართ. ის ბრაზილიელთა კერპია. მან ლიონელ მესისა და კრიშტიანუ რონალდუს დონეს უკვე მიაღწია. ველოდებით, რომ ერთხელაც “ოქროს ბურთს” ნეიმარი მიიღებს. იგი უკვე არის საუკეთესოთა შორის. ასე რომ, ამ ჯილდოს მოგება მხოლოდ დროის საკითხია.

ჩემი დროის “ბარსელონა” დღევანდელ გუნდს შევადარო? არ მიყვარს შედარებები. ჩვენ შესანიშნავი გუნდი გვყავდა, მშვენიერი ფეხბურთელებით დაკომპლექტებული, ახლანდელი “ბარსელონაც” შესანიშნავი გუნდია, იქ დღესაც მშვენიერი მოთამაშეები გამოდიან. ჩემი დროის “ბარსელონამ” წარმატებას მიაღწია, ბევრი ტიტული მოიგო და დღევანდელი “ბარსაც” აგრძელებს ამ წარმატებულ სვლას”, – რონალდინიოს კომენტარი “მარკამ” გამოაქვეყნა.