რონალდუ მსოფლიოში ყველაზე პოპულარული სპორტსმენია, მესი მესამეა

ESPN-ის ანალიტიკოსმა ბენ ალამარმა მსოფლიოს ყველაზე პოპულარული სპორტსმენების გამოსავლენად სპეციალური ფორმულა შეიმუშავა. ფორმულაში შეტანილია სხვადასხვა მონაცემები, მათ შორის საძიებო სისტემებში ნახვების რაოდენობა და სოციალურ ქსელებში პოპულარობის მაჩვენებელი.

ამ ფორმულის გამოყენებით გაირკვა, რომ მსოფლიოს ყველაზე პოპულარული სპორტსმენი მადრიდის “რეალისა” და პორტუგალიის ნაკრების ლიდერი კრიშტიანუ რონალდუა. მეორე ადგილზე გავიდა “კლივლენდ კავალიერსის” კალათბურთელი ლებრონ ჯეიმსი, ხოლო მესამე პოზიციაზე აღმოჩნდა “ბარსელონასა” და არგენტინის ნაკრების თავდამსხმელი ლიონელ მესი.

“ბარსელონას” მეორე ლიდერმა ნეიმარმა ამ რეიტინგში მხოლოდ მეექვსე ადგილი დაიკავა.

1. კრიშტიანო რონალდუ
2. ლებრონ ჯეიმსი
3. ლიონელ მესი
4. როჯერ ფედერერი
5. ფილ მიკელსონი
6. ნეიმარი
7. უსაინ ბოლტი
8. კევინ დურანტი
9. რაფაელ ნადალი
10. ტაიგერ ვუდსი