რონალდუს შვილი: “მადლობა ჩემს კერპს, ლეო მესის”

მადრიდის “რეალისა” და პორტუგალიის ნაკრების ლიდერის, კრიშტიანუ რონალდუს შვილმა სოციალურ ქსელში ლიონელ მესისთან ერთად გადაღებული ფოტო ასეთი კომენტარით გამოაქვეყნა:

“მადლობა ჩემს კერპს, ლეო მესის”.

ეს პირველი შემთხვევა არ არის, როცა რონალდუ-უმცროსი მესის მიმართ სიყვარულს გამოხატავს. 2015 წელს, “ოქროს ბურთის” დაჯილდოების ცერემონიაზე პორტუგალიელი ფეხბურთელი შვილთან ერთად კულისებში იჯდა. როდესაც იქ მესი შევიდა, რონალდუ-უმცროსი წამოდგა და მასთან მისასალმებლად გაეშურა. სწორედ ამ დროს უთხრა რონალდუმ მესის ცნობილი ფრაზა:

“ჩემი შვილი შენს ვიდეოებს უყურებს და მუდამ შენ შესახებ საუბრობს”.