სამირ ნასრის ოთხწლიანი დისკვალიფიკაცია ემუქრება

ესპანური “ასის” ცნობით, “ანთალიასპორის” ნახევარმცველ სამირ ნასრის ანტიდოპინგური კანონმდებლობის დარღვევის გამო ოთხწლიანი დისკვალიფიკაცია ემუქრება. გამოცემის თანახმად, ფრანგ დეხბურთელს სისხლის გადასხმა 2016-2017 წლების სეზონის მიმდინარეობისას გაუკეთეს, როდესაც ის “სევილიას” ღირსებას იცავდა.

სამირ ნასრიმ უეფას მიმართა, რომ აკრძალულ მეთოდზე თერაპიული გამოყენების გამონაკლისი დაეშვა, მაგრამ ფეხბურთელს უარი ეთქვა.

ფრანგმა ნახევარმცველმა თერაპიის კურსი ლოს ანჯელესში მდებარე Drip Doctors-ის კლინიკაში გაიარა. აღნიშნულ დაწესებულებაში პაციენტებს ვიტამინებით მკურნალობენ. ანტიდოპინგურ სააგენტოში ეჭვობენ, რომ სამირ ნასრიმ აღნიშნულ კლინიკაში თერაპიის გავლა დოპინგის კვალის დასამალად გადაწყვიტა.