საფრანგეთის ფეხბურთის ფედერაციის პრეზიდენტი: “ზიდანს ეროვნული ნაკრების თაობაზე დაველაპარაკები”

საფრანგეთის ფეხბურთის ფედერაციის პრეზიდენტი ნოელ ლე გრე არ გამორიცხავს, რომ მომავალში ეროვნული ნაკრების პოსტი ზინედინ ზიდანს ჩააბაროს.

“დარწმუნებული ვარ, რომ ზიდანს საფრანგეთის ნაკრები მოსწონს. დღესდღეობით მას მადრიდის “რეალთან” აქვს დადებული კონტრაქტი და მაღალ ხელფასს იღებს. მე მას კარგად ვიცნობ. ზიდანმა იცის საკუთარი თავის ფასი. მომავალში, ალბათ, ნაკრების შესახებ ვისაუბრებთ. დარწმუნებული ვარ, რომ ეს აზრი მოსწონს”, – ციტირებს საფრანგეთის ფეხბურთის ფედერაციის ხელმძღვანელის სიტყვებს “ასი”.

ცნობისთვის, მადრიდის “რეალსა” და ზინედინ ზიდანს შორის დადებულ შრომით ხელშეკრულებას ვადა 2018 წლის 30 ივნისს გაუვა. ვრცელდება ინფორმაცია, რომ ფრანგმა სპეციალისტმა კლუბთან კონტრაქტის გახანგრძლივებაზე თანხმობა განაცხადა.