Sport.es: მესის „ბარსელონასგან“ 4 წელიწადში 400 მლნ ევროს მიღება სურს
„ბარსელონას“ თავდამსხმელი ლიონელ მესი კლუბთან კონტრაქტის გახანგრძლივებას აპირებს, თუმცა საბოლოო შეთანხმების მიღწევას ფეხბურთელის სახელფასო დეტალები აფერხებს.
კატალონიური კლუბი მზად არის, კომპანია Messi Management-ს, რომელსაც არგენტნელი მოთამაშის მამა ხორხე მესი ხელმძღვანელობს, ხუთწლიანი კონტრაქტი და 200 მილიონი ევრო შესთავაზოს, თუმცა „ბარსელონა“ ფეხბურთელის საიმიჯო უფლებებზე შემოსავლის 20 პროცენტის შენარჩუნებას აპირებს.
თავის მხრივ, მესის წარმომადგენელი ოთხი წლის განმავლობაში 400 მილიონ ევროს ითხოვს. ასეთ შემთხვევაში, ფეხბურთელის საიმიჯო უფლებების განაწილება, სავრაუდოდ, აღარ მოხდება.
Euromericas Sport Marketing-ი მესის 492 მილიონ ევროდ აფასებს.
აღსანიშნავია, რომ მესი მსოფლიოს მასშტაბით ყველაზე მაღალანაზღაურებად სპორტსმენთა ათეულში შედის. არგენტინელი ფეხბურთელის წლიური შემოსავალი 41,3 მილიონ დოლარს შეადგენს (ხელფასი 20,3 მლნ დოლარი, სარეკლამო შემოსავალი 21 მლნ).
ბექა დოგრაშვილი
